فوجی آپریشن میں توسیع ،جرمنی کا اسرائیل کو ہتھیاروں کی فراہمی روکنے کااعلان

جرمنی کی اسرائیل کے ساتھ کھڑا ہونے کی اسی سالہ پالیسی تبدیل نہیں ہوگی،جرمن چانسلر

پیر 11 اگست 2025 17:43

برلن (اُردو پوائنٹ اخبارتازہ ترین - این این آئی۔ 11 اگست2025ء)جرمن چانسلر فریڈرک مرز نے کہا ہے کہ غزہ میں فوجی آپریشن میں توسیع کی وجہ سے اسرائیل کو ہتھیاروں کی فراہمی روکنے کا فیصلہ کیا ہی.جرمن میڈیا کو انٹرویو میں چانسلر مرز کا کہنا تھا کہ ہم ایسے تنازع میں ہتھیار فراہم نہیں کر سکتے جسے صرف فوجی کارروائیوں سے حل کرنے کی کوشش ہو رہی ہو، جس سے لاکھوں عام شہریوں کی جان جا سکتی ہو اور جس میں پورے غزہ کا انخلا درکار ہو۔

(جاری ہے)

انہوں نے کہا کہ غزہ کے یہ لوگ کہاں جائیں گی ہم یہ نہیں کر سکتے اور نہ ہم یہ کر رہے اور میں خود بھی یہ نہیں کروں گا۔جرمن چانسلر نے یہ بھی کہا کہ کچھ اسرائیلی فیصلوں پر تحفظات کے باوجود جرمنی کی اسرائیل کے ساتھ کھڑا ہونے کی اسی سالہ پالیسی تبدیل نہیں ہوگی۔