گرورزپرسچہ اور محکمہ وائلڈ لائف کے تعاون سے ماحولیاتی رضاکار راجہ شکیل خان کی جانب سے شجرکاری مہم موسم برسات جاری

پیر 11 اگست 2025 22:25

مظفرآباد+پٹہکہ(اُردو پوائنٹ اخبارتازہ ترین - این این آئی۔ 11 اگست2025ء) محکمہ جنگلات، آرگینک گرورز پرسچہ اور محکمہ وائلڈ لائف کے تعاون سے ماحولیاتی رضاکار راجہ شکیل خان کی جانب سے شجرکاری مہم موسم برسات جاری۔ وائلڈ لائف پارک و چڑیا گھر پٹہکہ میں گزشتہ روز مقامی کمیونٹی اور بچوں نے شجرکاری مہم میں حصہ لیا۔ اس موقع پر ڈسٹرکٹ انفارمیشن آفیسر مظفرآباد سہیل خان، ماحولیاتی رضاکار راجہ شکیل خان، دانیال خان و دیگر نے بھی پودے لگا کر مہم میں بھرپور حصہ لیا۔

اس موقع پر گفتگو کرتے ہوئے اس شجرکاری و آگاہی مہم میں حصہ لینے والوں کا کہنا تھا کہ ہمارے خطے کا شمار اسوقت موسمیاتی خطرات کیسب سے زیادہ شکار ممالک میں ہوتا ہے۔ ?شجر کاری ماحول کو بہتر بنانے اور ماحولیاتی تبدیلیوں کا مقابلہ کرنے میں مدد کرتی ہے۔

(جاری ہے)

اس مہم کا مقصد بارشوں سے فائدہ اٹھاتے ہوئے زیادہ سے زیادہ پودوں کو کامیاب بنانا ہے۔

بارشوں کے دوران پودوں کی نشوونما کے لیے نمی اور درجہ حرارت سازگار ہوتے ہیں۔ ان کا کہنا تھا کہ اس مہم میں مختلف قسم کے درخت لگائے جا رہے ہیں، جن میں مقامی اقسام کو ترجیح دی جارہی ہے۔شجر کاری مہم کے مقاصد میں ماحولیاتی بہتری، موسمیاتی تبدیلیوں کا مقابلہ، مقامی آبادی کی بہبود، آب و ہوا کو بہتر بنانا اور جنگلی حیات کے لیے رہائش کا انتظام ہے۔

مہم کا انتظام کرنے والوں کا کہنا تھا کہ اس مہم کا مقصد نہ صرف شجر کاری ہے بلکہ لوگوں میں ماحولیاتی شعور بیدار کرنے کے لیے آگاہی کی فراہمی بھی ہے۔ موسم برسات میں شجر کاری مہم میں کامیابی کے لیے ضروری ہے کہ مناسب درختوں کا انتخاب کیا جائے جو مقامی ماحول کے لیے موزوں ہوں۔ درختوں کو درست طریقے سے لگایا جائے اور ان کی دیکھ بھال کی جائے۔ مقامی آبادی کو اس مہم میں شامل کیا جائے۔شجر کاری کے بعد درختوں کی باقاعدگی سے دیکھ بھال کی جائے۔ یہ مہم علاقے کی ماحولیاتی بہتری اور خوبصورتی میں اضافہ کرنے میں اہم کردار ادا کرہے گی۔

Facebook Twitter Google + Share on Whatsapp

گرورزپرسچہ اور محکمہ وائلڈ لائف کے تعاون سے ماحولیاتی رضاکار راجہ شکیل خان کی جانب سے شجرکاری مہم موسم برسات جاری

متعلقہ عنوان :

مزید کشمیر کی خبریں