ایف آئی اے بلوچستان زون کی کارروائی ، حوالہ ہنڈی اور غیر قانونی کرنسی ایکسچینج میں ملوث 3 ملزمان گرفتار

منگل 12 اگست 2025 16:03

کوئٹہ (اُردو پوائنٹ اخبارتازہ ترین - اے پی پی۔ 12 اگست2025ء) ایف آئی اے بلوچستان زون نے کارروائی کرتے ہوئے حوالہ ہنڈی اور غیر قانونی کرنسی ایکسچینج میں ملوث 3 ملزمان کوگرفتارکرلیا۔

(جاری ہے)

ترجمان ایف آئی اے کے مطابق ڈی جی ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث نیٹ ورکس کے گرد گھیرا تنگ کردیاگیاہے اس سلسلے میں ایف آئی اے بلوچستان زون نے کوئٹہ کے مختلف علاقوں میں کارروائی کرتے ہوئے حوالہ ہنڈی اور غیر قانونی کرنسی ایکسچینج میں ملوث 3 ملزمان کوگرفتارکرلیاہے ،گرفتار ملزمان میں عبدالباری، ثنا اللہ، اسد اللہ شامل ہیں ملزمان سے مجموعی طور پر 27 لاکھ ایرانی ریال، 3050 افغانی برآمد ہوئے، ملزمان سے موبائل فونز اور حوالہ ہنڈی سے متعلق دیگر شواہد بھی برآمد کر لیے گئے،۔

ملزمان ست تفتیش کا آغاز کر دیا گیا ہے ۔