سبزہ زار میں زہریلا کھانا کھانے سے ایک بچہ جاں بحق،2 کی حالت تشویشناک

والدہ تینوں بچوں کو کھانا کھلاکر گھر کے کام سے باہر چلی گئی،واپس گھر لوٹی تو تینوں بچوں کو بیہوشی کی حالت میں پایا

بدھ 13 اگست 2025 13:15

لاہور(اُردو پوائنٹ اخبارتازہ ترین - این این آئی۔ 13 اگست2025ء)سبزہ زار میں زہریلا کھانا کھانے سے ایک بچہ جاں بحق جبکہ2 کی حالت تشویشناک ہے ۔ پولیس کے مطابق جاں بحق ہونے والے بچے کی شناخت 11سالہ ایان کے نام سے ہوئیجبکہ زہریلا کھانا کھانے سے 10سالہ اذان اور 12سالہ ایمن کی حالت تشویشناک ہے، تینوں بچوں کو والدہ نے کھانا کھلایا اورگھر کے کام سے باہر چلی گئی،جب واپس گھر لوٹی تو تینوں بچوں کو بیہوشی کی حالت میں پایا،والدہ نے تینوں بچوں کو طبی امداد کے لئے ہسپتال منتقل کیا۔

(جاری ہے)

دوران علاج 11 سالہ ایان دم توڑ گیا،دو بچے تاحال زیر علاج ،پولیس نے ایان کی لاش پوسٹ مارٹم کیلئے مردہ خانہ منتقل کر دی۔پولیس کے مطابق معاملے کی مکمل تحقیقات کر رہے ہیں جلد حقائق سامنے آئیں گے،متاثرہ فیملی کیگھر سے سمپل لے لئے، رپورٹ کے بعد معاملہ واضح ہوگا۔