قلات میں یوم آزادی کے تقریبات کے سلسلے میں بیڈ منٹن ٹورنامنٹ کا انعقاد

بدھ 13 اگست 2025 22:47

کوئٹہ (اُردو پوائنٹ اخبارتازہ ترین - اے پی پی۔ 13 اگست2025ء) یوم آزادی کی تقریبات کے سلسلے میں آفیسر کلب قلات میں بیڈ منٹن ٹورنامنٹ کا انعقاد کیاگیا۔ٹورنامنٹ میں مختلف سکولوں کے طالبات اور ضلعی افسران نے شرکت کی بیڈمنٹن ٹورنامنٹ میں طالبات کے درمیان شاندار میچز کھیلے گئے۔

(جاری ہے)

بیڈ منٹن ٹورنامنٹ کے مہمان خاص ڈپٹی کمشنرقلات جمیل بلوچ تھے جبکہ اعزازی مہمان سابقہ ڈی ایچ او ڈاکٹر علی اکبر نیچاری اور ڈسٹرکٹ ایجوکیشن آفیسر نثار احمد نورزئی تھے۔

بیڈ منٹن ٹورنامنٹ میں ڈپٹی کمشنر جمیل بلوچ اور سابقہ الیکشن کمشنر ڈیڈی ہارون مینگل کے درمیان دوستانہ میچ بھی کھیلا گیا۔ مہمان خاص ڈپٹی کمشنر جمیل بلوچ نے بیڈ منٹن ٹورنامنٹ کے فاتح ٹیموں کے لیئے نقد انعامات کا اعلان کیا اور کھلاڑیوں کی حوصلہ افزائی کی۔