ڈبلیو ٹی اے سنسناٹی اوپن ٹینس ویمنز سنگلز ،کوکوگف اورجیسمین پاؤلینی کوارٹر فائنل میں داخل

جمعہ 15 اگست 2025 08:40

اوہائیو (اُردو پوائنٹ اخبارتازہ ترین - اے پی پی۔ 15 اگست2025ء) امریکا کی نامور ٹینس سٹار عالمی نمبر ٹواور ایونٹ کی سیکنڈ سیڈڈکوکوگف اور اٹلی کی ٹینس کھلاڑی جیسمین پاؤلینی ڈبلیو ٹی اے سنسناٹی اوپن ٹینس ٹورنامنٹ میں خواتین کے سنگلز مقابلوں کےکوارٹر فائنل میں پہنچ گئیں جبکہ جمہوریہ چیک کی ٹینس سٹار باربورا کریجیکووا اوراٹلی کی ٹینس کھلاڑی لوسیا برونزٹی ویمنز سنگلز مقابلوں کے چوتھے رائونڈ میں ہار کر ایونٹ سے باہر ہوگئیں۔

امریکی ٹینس سٹار کوکوگف نے چوتھے رائونڈ میچ میں اٹلی کی ٹینس کھلاڑی لوسیا برونزٹی کو شکست جبکہ اٹلی کی ٹینس کھلاڑی جیسمین پاؤلینی نے ٹاپ 16 رائونڈ میچ میں جمہوریہ چیک کی ٹینس سٹار باربورا کریجیکووا کو شکست دی۔امریکی ریاست اوہائیو کے شہر میسن کے لنڈنر فیملی ٹینس سینٹر میں ڈبلیو ٹی اے کا ایونٹ جاری ہے جس میں شائقین ٹینس کو دلچسپ مقابلے دیکھنے کو مل رہے ہیں۔

(جاری ہے)

21 سالہ نامور امریکی ٹینس سٹار، کوکوگف نے ویمنز سنگلز مقابلوں کےپری کوارٹر فائنل رائونڈ میچ میں شاندار کارکردگی کا مظاہرہ کرتے ہوئے اٹلی کی ٹینس کھلاڑی لوسیا برونزٹی کو سٹریٹ سیٹس میں 2-6 اور 4-6 سے شکست دے کر کوارٹر فائنل رائونڈ کے لئے کوالیفائی کرلیا۔ امریکی سیکنڈ سیڈڈٹینس کھلاڑی کوکوگف کا کوارٹر فائنل رائونڈ میں مقابلہ ایک مرتبہ پھر اٹلی کی ٹینس کھلاڑی جیسمین پاؤلینی سے ہوگا ۔29 سالہ اطالوی ٹینس سٹار جیسمین پاؤلین نے بھی چوتھی رکاوٹ عبور کر لی، انہوں نے عمدہ کھیل پیش کرتے ہوئے جمہوریہ چیک کی ٹینس سٹار باربورا کریجیکووا کو سٹریٹ سیٹس میں 1-6اور 2-6 سے ہرا کر کوارٹر فائنل رائونڈ کے لئے کوالیفائی کیا۔\932