ڈیرہ اسماعیل خان ،محکمہ ایکسائز کے اے ایس آئی سمیت 2اہلکار ر نامعلوم دہشتگردوں کی فائرنگ سے شہید

جمعہ 15 اگست 2025 14:40

ڈیرہ اسماعیل خان (اُردو پوائنٹ اخبارتازہ ترین - اے پی پی۔ 15 اگست2025ء) ڈیرہ درابن بائی پاس پر ہاشم ہوٹل پر رکے ہوئے محکمہ ایکسائز کے اے ایس آئی سمیت 2اہلکاروں پر نامعلوم دہشتگردوں نے فائرنگ کرکے شہید کردیا، فائرنگ سے ہوٹل مالک بھی زخمی ہو گیا ۔

(جاری ہے)

تفصیلات کے مطابق فرید اللہ خان ای ٹی او ایکسائز آفس ڈیرہ نے رپورٹ درج کرائی ہے کہ میری آج ہی ڈیرہ اسماعیل خان میں بطور ای ٹی او پوسٹنگ ہوئی ہے، اے ایس آئی ایکسائز پولیس اسٹیشن ساتھ ریجن 34سالہ سید علی شاہ تعینات ہے، صبح موٹرکار میں سوار ہو کرر ضاکار امدادی عابدین ولد امیر محمد بنوچی سکنہ بنوں ناوردی مسلح بااسلحہ ایمونیشن ڈیوٹی کےلئے ڈیرہ درابن روڈ روانہ ہوئے۔

مجھے معلوم ہوا کہ اے ایس آئی اور امدادی رضاکار دوران ڈیوٹی ہاشم ہوٹل ناشتہ کرنے کےلئے اپنی موٹرکار میں رکے ہوئے تھے اور دیگر ایکسائز سٹاف کی آمد کے انتظار میں تھے کہ اسی اثناءمیں موٹرسائیکل پر سوار دو مسلح دہشتگردوں نے ان پر فائرنگ کردی۔ فائرنگ سے اے ایس آئی سید علی شاہ اور ہمراہی امدادی عابدین موقع پر جاں بحق جبکہ 47سالہ ہاشم ولد محمد بخش ماچھی سکنہ بھکر حال مالک ہاشم ہوٹل نزد جان کلے زخمی ہوگیا، مذکورہ واقعہ دہشتگردی کے واقعات کی ایک کڑی ہے۔\378