ساہیوال ٹیچنگ ہسپتال تین ارب میگا کرپشن ،11 افسران ذاتی حیثیت میں پیش، درآمدی لانڈری ، مشنری و دیگر درآمدات کے ریکارڈ کا معائنہ

جمعہ 15 اگست 2025 18:26

ساہیوال (اُردو پوائنٹ اخبارتازہ ترین - این این آئی۔ 15 اگست2025ء)ساہیوال ٹیچنگ ہسپتال تین ارب سے زائد میگا کرپشن کی انکوائری کمیٹی نے 11 آفیسروں کو کل لاہور ریکارڈ سمیت پیش ہونے کے حکم کے بعد اگلے مرحلہ کی تفتیش شروع ہو گئی۔

(جاری ہے)

کل جن 11 آفیسروں کو ذاتی حیثیت میں طلب کیا گیا ہے ان میں کے میڈیکل سپرٹینڈنٹ ڈاکٹراعجاز حیدر 2017-2018 ، ڈاکٹر روبینہ زیب ،سابق پرچیز آفیسر 2017-2018،ڈاکٹر رانا عامر دیوان پرچیز سٹور آفیسر2017-2018،لقمان تابش با ئیو میڈیکل انجینیئر فوکل پرسن 2017 سے 2024 ڈاکٹر بشارت سابق ،سابق ایڈیشنل میڈیکل سپر سٹورز پرچیز آفیسر 2017-2018 ،ڈاکٹر زاہد ستار سابق پر چیز آفیسر -2018 2017 ڈاکٹر مشتاق احمد آصف ایڈیشنل پرنسپل میڈیکل آفیسر، ڈاکٹر سردار احمدایڈیشنل پرنسپل میڈیکل آفیسر2019-2021، سابق ایڈیشنل میڈیکل سپرٹینڈ نٹ سٹورز ڈاکٹر کاشف نیاز ایڈیشنل میڈیکل سپرٹینڈنٹ سٹور 2021-2023،ڈاکٹر فخر زما ن سٹور کیپر اور مدثر اصغر شاہ سٹور کیپر 2018 سے اب تک سٹور کیپروں کے عہدہ پر کام کر رہے ہیں شامل ہیں ان آفیسروں سے تمام سرکاری ریکارڈ بیرون ملک سے آنے والی لانڈری کے متعلق مشیزی اور آلات جرا حی کو درست رکھنے کے یونٹ کی مشینری، در آمدی مشینری اور دیگر مٹیریل کے تمام ریکارڈ کو طلب کر لیا گیا ہے اور آج انکوائری کے بعد مبینہ کرپشن کیس کو نیب کے حوالے کرنے کا فیصلہ ہو گا۔