سپریم جوڈیشل کونسل نے چیف الیکشن کمشنر اور دیگر 2ممبران کیخلاف پی ٹی آئی کی شکایات خارج کردیں

ہفتہ 16 اگست 2025 21:05

اسلام آباد(اُردو پوائنٹ اخبارتازہ ترین - این این آئی۔ 16 اگست2025ء)سپریم جوڈیشل کونسل نے پی ٹی آئی کی چیف الیکشن کمشنر سکندر سلطان راجا اور دیگر دو ممبران کے خلاف تین علیحدہ شکایات خارج کردیں۔ذرائع کے مطابق سپریم جوڈیشل کونسل نے چیف الیکشن کمشنر سکندر سلطان راجہ اور الیکشن کمیشن کے دو اراکین نثار احمد اور شاہ محمد کے خلاف دائر تین شکایات کو خارج کر دیا۔

(جاری ہے)

سپریم جوڈیشل کونسل نے تین علیحدہ علیحدہ شکایت خارج کردیں اور یہ فیصلہ پبلک کردیا گیا۔جاری کردہ اعلامیے کے مطابق کونسل کے اجلاس 8نومبر اور 13دسمبر 2024کو منعقد ہوئے جن میں شکایات نمبر 532/2021، 557/2022اور 563/2022کا تفصیلی جائزہ لیا گیا۔اعلامیے میں کہا گیا کہ تمام شکایات غیر موثر اور ناقابل سماعت قرار پائی گئیں جس پر انہیں خارج کرنے کا فیصلہ کیا گیا۔اعلامیے کے مطابق یہ شکایات مختلف درخواست گزاروں سمیت تحریک انصاف کی جانب سے بھی سپریم جوڈیشل کونسل کو بھیجی گئی تھیں۔