سی پی او سید خالد ہمدانی کی ہدایت پر شہر بھر میں پیشہ ور گداگروں کے خلاف کریک ڈاؤن

اتوار 17 اگست 2025 16:20

راولپنڈی (اُردو پوائنٹ اخبارتازہ ترین - اے پی پی۔ 17 اگست2025ء) سی پی او سید خالد ہمدانی کی ہدایت پر شہر بھر میں پیشہ ور گداگروں کے خلاف کریک ڈاؤن جاری ہے۔ پولیس نے گزشتہ 35 روز کے دوران مختلف کارروائیوں میں 250 پیشہ ور گداگروں کو حراست میں لے لیا۔

(جاری ہے)

ترجمان راولپنڈی پولیس کے مطابق پیشہ ور گداگروں کے خلاف کارروائی کے لیے خصوصی سکواڈ تشکیل دیئے گئے ہیں۔ پولیس حکام کا کہنا ہے کہ ان میں سے بیشتر گداگر چوری، منشیات فروشی اور دیگر جرائم میں بھی ملوث پائے گئے ہیں۔ سی پی او کا کہنا ہے کہ مصروف شاہراہوں اور اہم سڑکوں پر گداگری کی روک تھام کے لیے سخت نگرانی کی جا رہی ہے اور وزیر اعلیٰ پنجاب مریم نواز کے ویژن کے مطابق شہر بھر میں اس کریک ڈاؤن کو مزید تیز کیا جائے گا۔