حکومت کا ڈاکٹر منصور میمن کو تمغہ امتیاز دینے فیصلہ

ڈاکٹر منصور میمن کو 23مارچ 2026کو حکومت کی جانب سے تمغہ دیا جائے گا

اتوار 17 اگست 2025 22:00

اسلام آباد(اُردو پوائنٹ اخبارتازہ ترین - این این آئی۔ 17 اگست2025ء)حکومت پاکستان نے ممتاز معالج، انسان دوست اور ثقافتی سفیر ڈاکٹر منصور میمن کی خدمات کا اعتراف کرتے ہوئے تمغہ امتیاز سے نوازنے کا اعلان کیا ہے۔ڈاکٹر منصور میمن کو ایوارڈ دینے کا اعلان یوم آزادی14اگست 2025کو کیا گیا ،انہیں یہ اس ایوارڈ سے 23مارچ 2026یوم پاکستان کے موقع پر نوازا جائے گا۔

(جاری ہے)

ڈاکٹر منصور میمن کو دنیا بھر میں پاکستان کا ایمبیسیڈر ایٹ لارج کہا جاتا ہے کیونکہ انہوں نے ملک کی مثبت تصویر اجاگر کرنے میں نمایاں خدمات انجام دی ہیں۔ان کا سفر روشن قیادت اور عوامی خدمت سے غیر متزلزل وابستگی کا روشن نمونہ ہے۔ڈاکٹر منصور میمن آغا خان یونیورسٹی آف ہیلتھ سائنسز (مارچ 1992) کے گریجویٹ ہیں اور معالج، محقق، فلاحی شخصیت اور رہنما کی حیثیت سے بین الاقوامی شہرت حاصل کر چکے ہیں۔ڈاکٹر منصور میمن کی زندگی بہترین کارکردگی، ہمدردی اور حب الوطنی کی درخشاں مثال ہے۔ تمغہ امتیاز ان کی خدمات کا بہترین اعتراف ہے اور آنے والی نسلوں کے لیے مشعلِ راہ ہے۔