این ڈی ایم اے، مسلح افوا ج اور فلاحی اداروں کی جانب سے خیبر پختونخوا کے لیے امدادی سامان روانہ

پیر 18 اگست 2025 14:35

اسلام آباد (اُردو پوائنٹ اخبارتازہ ترین - اے پی پی۔ 18 اگست2025ء) وزیر اعظم محمد شہباز شریف کی ہدایات کے مطابق نیشنل ڈیزاسٹر منیجمنٹ اتھارٹی (این ڈی ایم اے) خیبر پختونخواکی صوبائی حکومت اور پی ڈی ایم اے کو معاونت فراہم کررہی ہے۔این ڈی ایم اے کے میڈیا ونگ کے مطابق این ڈی ایم اے، مسلح افوا ج اور فلاحی اداروں کی جانب سے خیبر پختونخوا کے لیے امدادی سامان روانہ کر دیا گیا ہے۔

(جاری ہے)

پیرکی صبح بونیر کے لیے روانہ کئے گئے سامان میں خیمے، کمبل، جنریٹر، ڈی واٹرنگ پمپس، راشن بیگز اور ادویات شامل ہیں ۔امدادی سامان سیلاب متاثرین میں تقسیم کے لیے ڈپٹی کمشنر بونیر کے حوالے کیا جائے گا۔متاثرین کی مدد اور بحالی کےلئے این ڈی ایم اے تمام متعلقہ سول اور عسکری اداروں کے ساتھ مکمل رابطے میں ہے اور تمام متعلقہ اداروں کی جانب سے جاری امدادی کارروائیوں کی ہمہ وقت نگرانی بھی کر رہا ہے۔