اسلام آباد پولیس نے سنگین جر ائم میں ملو ث چھ اشتہا ریوں سمیت 16جر ائم پیشہ عناصر کو گرفتار کر لیا

پیر 18 اگست 2025 21:17

اسلام آباد (اُردو پوائنٹ اخبارتازہ ترین - اے پی پی۔ 18 اگست2025ء) اسلام آباد پولیس نے سنگین جر ائم میں ملو ث چھ اشتہا ری مجرمان سمیت 16جر ائم پیشہ عناصر کو گرفتار کر لیا،ملزمان کے قبضہ سے منشیات اور اسلحہ معہ ایمونیشن برآمد ہوا، گرفتار ملزمان کے خلاف مقدمات درج کرکے مزید تفتیش جاری ہے۔پولیس ترجمان کے مطابق تھانہ ترنول، تھانہ نون، تھانہ لوہی بھیر، تھا نہ سبزی منڈی، تھا نہ نیلور، تھا نہ پھلگر اں اور تھا نہ بنی گا لہ پولیس ٹیموں نے10ملزمان کو گرفتار کرکے ان کے قبضہ سے2920گر ام چرس،675 گرام ہیروئن ، مختلف بو ر کے پانچ پستول، ایک کلاشنکوف معہ ایمونیشن اور خنجر برآمد کرلئے،گرفتارملزمان کے خلاف مقدمات درج کر کے مزید تفتیش جاری ہے جبکہ اشتہا ری اور عدالتی مفروران کی گرفتار ی کے لئے چلائی جانے والی خصوصی مہم کے دوران چھ مجرمان کی گرفتار ی بھی عمل میں لائی گئی۔

(جاری ہے)

ایس ایس پی آپریشنز اسلام آباد محمدشعیب خان نے کہاکہ اسلام آباد پولیس وفاقی دارالحکومت میں شہریوں کی جان و مال کے تحفظ کو یقینی بنانے کے لئے ہمہ وقت مصروف عمل ہے،کسی بھی عناصر کو شہریوں کے امن میں خلل ڈالنے کی اجازت نہیں دی جائے گی،شہریوں کی جان و ما ل کی حفاظت اسلام آباد پولیس کی اولین ترجیح ہے، شہریوں سے بھی گزارش ہے کہ کسی بھی مشکوک سرگرمی کے متعلق متعلقہ تھانہ یا ایمرجنسی ہیلپ لائن پکار-15پرفوری اطلاع دیں تاکہ پولیس اور عوام کے باہمی تعاون سے شہر کو جرائم سے پاک کیاجا سکے۔