برازیلین فٹبال لیگ میں واسکو ڈی گاما نے نیمار جونیئر کی ٹیم سینٹوس کو 6 گول سے ہرا دیا

منگل 19 اگست 2025 15:37

برازیلیا(اُردو پوائنٹ اخبارتازہ ترین - این این آئی۔ 19 اگست2025ء)برازیلین فٹبال لیگ میں واسکو ڈی گاما نے نیمار جونیئر کی ٹیم سینٹوس کو 6 گول سے ہرا دیا، نیمار جونیئر بدترین شکست پر جذبات پر قابو نہ رکھ سکے، روتے ہوئے میدان سے رخصت ہوئے۔برازیلین فٹبال لیگ میں واسکو ڈی گاما نے سینٹوس کو آؤٹ کلاس کر دیا، واسکوڈی گاما نے سینٹوس کو ہوم گراؤنڈ پر ایک دو نہیں صفر کے مقابلے میں چھ گول سے ہرا دیا۔

(جاری ہے)

آٹھ بار کی چیمپئن ٹیم سینٹوس پوائنٹ ٹیبل پر 15ویں نمبر پر چلی گئی، اس انتہائی مایوس کن پرفارمنس پر نیمار روتے ہوئے میدان سے باہر نکلے۔ان کا کہنا تھا کہ شائقین کا انہیں برا بھلا کہنے اور احتجاج کرنے کا پورا حق ہے، وہ بھی اپنی کارکردگی پر شرمندہ ہیں۔دوسری جانب انگلش پریمیئر لیگ میں آرسنل نے نئے سیزن کا شاندار آغاز کیا اور مانچسٹر یونائیٹڈ کو ایک گول سے ہرا دیا۔ میچ کا فیصلہ کن گول 13ویں منٹ میں ریکارڈو کلیفیوری نے اسکور کیا۔