Live Updates

شبمن گل کو ایشیا کپ میں شامل کیا جائے یا نہیں؟، فیصلہ بھارتی بورڈ کیلئے درد سر بن گیا

شبمن گل، یشسوی جیسوال اور سائی سدھرسن جیسے اوپننگ بیٹرز بھی ٹی ٹونٹی سکواڈ میں جگہ بنانے کی دوڑ میں شامل

ذیشان مہتاب منگل 19 اگست 2025 12:57

شبمن گل کو ایشیا کپ میں شامل کیا جائے یا نہیں؟، فیصلہ بھارتی بورڈ کیلئے ..

نئی دہلی (اردو پوائنٹ تازہ ترین اخبار۔ 19 اگست 2025ء ) بھارت کی سلیکشن کمیٹی یو اے ای میں اگلے ماہ شیڈول ایشیا کپ کے لیے 15 رکنی اسکواڈ کا انتخاب کرے گی، تاہم بھارتی سلیکشن کمیٹی ٹی ٹونٹی سکواڈ میں شبمن گل کو شامل کرے یا نہ کرے یہ ان کیلیے بڑا چیلنج ہوگا کیوں کہ بھارتی بیٹر ان دنوں بہترین فارم میں ہیں۔

ٹیسٹ کپتان جنھوں نے حال ہی میں انگلینڈ میں بہترین پرفارمنس دکھائی ہے وہ اس ٹیم میں فٹ تو نہیں بیٹھتے جو 9 سے 28 ستمبر تک ایشیا کپ کا شوپیس ایونٹ کھیلے گی تاہم ان کی شمولیت خارج از امکان نہیں۔

چیف سلیکٹر اجیت اگرکر اور ان کے ساتھی سلیکٹرز کیلیے ٹیم کو منتخب کرنا ایک ''خوفناک’’معمہ ہے کیوں کہ ہندوستانی کرکٹ میں اس وقت ٹی ٹوئنٹی کا کافی ٹیلنٹ موجود ہیں۔

(جاری ہے)

بھارت میں اس وقت کم از کم 30 کھلاڑی ایسے ہیں جو ایک سلاٹ کے لیے تین سے چار آپشنز کے ساتھ قومی اسکواڈ میں آنے کے لیے تیار ہیں۔

سب سے اوپر تین پوزیشنوں کے لیے چھ کرکٹرز دستیاب ہیں، جن مین ابھیشیک شرما، سنجو سیمسن اور تلک ورما نے پچھلے سیزن میں کافی غیرمعمولی پرفارمنس دکھائی ہے۔

ان تینوں کے علاوہ شبمن گل، یشسوی جیسوال اور سائی سدھرسن جیسے اوپننگ بیٹرز بھی ٹی ٹوئنٹی اسکواڈ میں جگہ بنانے کی دوڑ میں شامل ہیں۔

بولنگ میں کلدیپ یادیو، ورون چکرورتی اور روی بشنوئی ایک ہی جگہ کے لیے دستیاب ہونگے اور ان میں سے سب سے زیادہ یوزویندر چاہل کو طویل عرصے سے نظر انداز کیا گیا ہے۔

بھارتی ٹیم مینجمنٹ کے ایک اہم رکن کا خیال ہے کہ یہ ناانصافی ہو گی جو کرکٹر پچھلے سیزن کے دوران پلیئنگ الیون میں ریگولر رہا ہو اسے کسی بڑے برانڈ نام یا سٹار کو جگہ دینے کیلیے محروم رکھا جائے۔