صوابی، محکمہ صحت شانگلہ کی ٹیموں کی سیلاب متاثرہ علاقوں میں ریلیف سرگرمیاں جاری

منگل 19 اگست 2025 20:15

سوات (اُردو پوائنٹ اخبارتازہ ترین - این این آئی۔ 19 اگست2025ء) صوبائی حکومت اور محکمہ صحت خیبر پختونخوا کی ہدایات پر عمل کرتے ہوئے محکمہ صحت شانگلہ کی ٹیموں نے حالیہ سیلاب سے متاثرہ علاقوں میں ریلیف سرگرمیوں کے سلسلے کو مزید آگے بڑھایا۔

(جاری ہے)

منگل کو خوڑ بانڈہ چاگم، بیلہ ماچکنڈ، شاہی درہ اور کوز پا(تحصیل پورن)میں میڈیکل کیمپس لگائے گئے جہاں متاثرہ عوام کو براہِ راست طبی سہولیات فراہم کی گئیں۔

ان کیمپس کے دوران تقریبا 700 سے زائد افراد کو مختلف طبی خدمات فراہم کی گئیں جن میں ابتدائی طبی امداد،ضروری علاج و معالجہ،مفت ادویات کی فراہمی،مریضوں کی رہنمائی اور آگاہی عوام کی بڑی تعداد نے ان میڈیکل کیمپس سے استفادہ کیا اور فوری ریلیف حاصل کیا اس صو بائی حکومتی اقدام سے متاثرین کو نہ صرف علاج بلکہ حوصلہ بھی ملا۔