ٌڈ ی جی سپورٹس پنجاب کی زیر صدارت جشن آزادی فیملی فن ریس کی تیاریوں کے حوالے سے اہم اجلاس

جشن آزادی فیملی فن ریس کے تمام انتظامات مکمل ہیں، فن ریس 23 اگست بروز ہفتہ کو نشترپارک سپورٹس کمپلیکس میں ہو گی،ڈی جی سپورٹس پنجاب ۔جشن آزادی فیملی فن ریس کی رجسٹریشن جاری ہے جبکہ فن ریس میں 3200 گرلز، بوائز اور خواتین رجسٹرڈ ہو چکے ہیں، خضرافضال چودھری

جمعرات 21 اگست 2025 19:45

Uلاہور (اُردو پوائنٹ اخبارتازہ ترین - آن لائن۔ 21 اگست2025ء) ڈائریکٹرجنرل سپورٹس پنجاب خضرافضال چودھری کی زیر صدارت جشن آزادی فیملی فن ریس کی تیاریوں کے حوالے سے اہم اجلاس منعقد ہوا ہے، جمعرات کے روز نیشنل ہاکی سٹیڈیم میں ہونیوالے اجلاس میں ڈائریکٹر سپورٹس راناندیم انجم ، ڈائریکٹر ایڈمن عابد شوکت ،ڈپٹی ڈائریکٹر، شائستہ قیصر،چاند پروین، یاسمین اختر، اسسٹنٹ ڈائریکٹربلال اکرم ، محی الدین ، کمال الدین ،نشترپارک سپورٹس کمپلیکس کے تمام ایڈمنسٹریٹرز ودیگر نے شرکت کی ہے، اجلاس میں جشن آزادی فیملی فن ریس کی تیاریوں کا جائزہ لیا گیا۔

(جاری ہے)

ڈائریکٹرجنرل سپورٹس پنجاب خضرافضال چودھری نے اجلاس سے خطاب کرتے ہوئے کہا ہے کہ جشن آزادی فیملی فن ریس کے تمام انتظامات مکمل ہیں، فن ریس 23 اگست بروز ہفتہ کو نشترپارک سپورٹس کمپلیکس میں ہو گی،1.3کلومیٹرگرلز ، بوائز اور خواتین کی الگ الگ ریسز ہوں گی،ڈی جی سپورٹس پنجاب نے مزید کہا ہے کہ جشن آزادی فیملی فن ریس جشن آزادی کا بڑا پروگرام ہے، فن ریس میں 3200 گرلز، بوائز اور خواتین رجسٹرڈ ہو چکے ہیں،جشن آزادی فیملی فن ریس کی رجسٹریشن جاری ہے، پہلی چار پوزیشن حاصل کرنیوالے فارتحین کو بالترتیب 50ہزار،30ہزار ، اور20،20ہزار روپے کے انعامات دیئے جائیں گے ، جبکہ 100گفٹ ہپمرز بھی دئیے جائیں گے۔