سیکرٹری ڈی آر ٹی اے اقصیٰ ریاض کی پرائیویٹ اڈا جات کی چیکنگ

جمعہ 22 اگست 2025 15:10

اوکاڑہ (اُردو پوائنٹ اخبارتازہ ترین - اے پی پی۔ 22 اگست2025ء) ڈپٹی کمشنراوکاڑہ احمد عثمان جاوید کی ہدایت پر سیکرٹری ڈی آر ٹی اے اقصیٰ ریاض نے پرائیویٹ اڈا جات کی چیکنگ کی۔ انہوں نے شہر کے مختلف پرائیویٹ اڈہ جات پر کرایوں کی چیکنگ کی اور مسافروں سے فیڈ بیک بھی لیا۔

(جاری ہے)

اس موقع پر سیکرٹری ڈی آر ٹی اے اقصیٰ ریاض نے کہا کہ پٹرولیم مصنوعات کی قیمتوں میں کمی کا فائدہ مسافروں تک براہ راست پہنچنا چاہیے، اڈہ جات کے مالکان نئے کرایہ ناموں کو نمایاں جگہوں پر آویزاں کریں اور ان پر مکمل عمل درآمد کریں۔ انہوں نے کہا کہ کرایہ ناموں پر عمل درآمد نہ کرنے والے اڈہ مالکان کے خلاف کارروائی عمل میں لائی جائے گی اور انہیں بھاری جرمانے بھی کیے جائیں گے۔\378