خواتین کو 10 ہزار مفت الیکٹرک موٹر سائیکلیں دیں گے، وزیرمحنت سندھ

20 سے 45 سال کی خواتین صنعتی مزدور اہل ہیں، جبکہ 20 فیصد اقلیتی کوٹا مختص ہے‘شاہد تھہیم کی گفتگو

ہفتہ 23 اگست 2025 14:07

کراچی (اُردو پوائنٹ اخبارتازہ ترین - این این آئی۔ 23 اگست2025ء)وزیر محنت سندھ شاہد تھہیم کا کہنا ہے کہ سندھ ورکرز ویلفیئر بورڈ 10 ہزار خواتین کو مفت الیکٹرک موٹر سائیکلیں دے گا۔خصوصی گفتگو میں صوبائی وزیر نے بتایا کہ خواتین کو بااختیار بنانے کے منصوبے کے تحت خواتین کو الیکٹرک موٹر سائیکل دینے کیلئے رجسٹریشن جاری ہے۔

(جاری ہے)

شاہد تھہیم کا کہنا تھا کہ 20 سے 45 سال کی خواتین صنعتی مزدور اہل ہیں، جبکہ 20 فیصد اقلیتی کوٹا مختص ہے۔ انہوں نے بتایا کہ درخواست گزار کو ڈرائیونگ لائسنس لینے کیلئی60 دن کی مہلت دی جائے گی۔صوبائی وزیر کا کہنا تھا کہ خواتین کی ترقی کے بغیر ملک کی ترقی ممکن نہیں، منصوبے کا مقصد خواتین کو محفوظ اور باوقار سفری سہولت دینا ہے۔