سی سی ڈی کے 4 مبینہ مقابلے،لاہور ، چنیوٹ میں6ملزمان اپنے ہی ساتھیوں کی فائرنگ سے مارے گئے

ہفتہ 23 اگست 2025 16:55

لاہور/چنیوٹ(اُردو پوائنٹ اخبارتازہ ترین - این این آئی۔ 23 اگست2025ء)لاہور اور چنیوٹ میں سی سی ڈی کے چوہنگ، نشتر ،کینٹ اورکانڈیوال میں تین مبینہ پولیس مقابلوں میں 6 ملزمان مارے گئے، تمام ملزمان اپنے ہی ساتھیوں کی گولیوں کا نشانہ بنے ۔

(جاری ہے)

پولیس حکام کے مطابق تمام ملزمان کو ریکوری کے لئے لے جایا جارہا تھا، ملزمان کے ساتھیوں نے انہیں چھڑانے کے لئے فائرنگ کر دی اور ملزمان اپنے ہی ساتھیوں کی فائرنگ سے ہلاک ہو گئے۔

پولیس نے بتایا کہ ملزمان کی شناخت، عمران، سلیمان، نوید، رمیش اور مبشر کے ناموں سے ہوئی، لاشوں کو پوسٹمارٹم کیلئے بھجوا دیا گیا ہے۔ادھر چنیوٹ کے تھانہ کانڈیوال میں سی سی ڈی کے ساتھ مقابلے میں بین الاضلاعی ڈکیت گینگ کا رکن علی محمد اپنے ہی ساتھیوں کی فائرنگ سے مارا گیا جبکہ اس کے دو ساتھی فرار ہو گئے۔سی سی ڈی حکام کے مطابق مفرور ساتھیوں کی تلاش جاری ہے۔