شنگھائی تعاون تنظیم کی تیانجن سمٹ نتیجہ خیز ثابت ہوگی، سیکرٹری جنرل ایس سی او

ہفتہ 23 اگست 2025 17:32

بیجنگ (اُردو پوائنٹ اخبارتازہ ترین - اے پی پی۔ 23 اگست2025ء) شنگھائی تعاون تنظیم (ایس سی او) کا سربراہی سمٹ 31 اگست سے یکم ستمبر تک چین کے شہر تیانجن میں منعقد ہو گی۔ایس سی او کے سیکرٹری جنرل یرمیک بائیف نے سی ایم جی کے ساتھ انٹرویو میں کہا کہ سربراہی اجلاس میں اہم سیاسی اور معاشی دستاویزات کا ایک سلسلہ جاری کیا جائے گا، جن میں تیانجن اعلامیہ بھی شامل ہوگا جو بین الاقوامی ایشوز کے ساتھ ساتھ سیاست، سلامتی اور معیشت جیسے مختلف شعبوں میں حالیہ عالمی صورتحال پر رکن ممالک کے رہنماؤں کے موقف کی عکاسی کرے گا۔

اس کے علاوہ آئندہ 10 سال کے لئے ایس سی او کی ترقیاتی حکمت عملی بھی جاری کی جائے گی۔یرمیک بائیف نے کہا کہ شنگھائی تعاون تنظیم ایک متحرک تنظیم ہے۔ شنگھائی تعاون تنظیم کی کشش اور موثر کارکردگی شنگھائی سپرٹ کے اصولوں کی پاسداری میں مضمر ہے۔

(جاری ہے)

تنظیم کی جانب سے باہمی اتفاق رائے کے اصول پر عمل کیا جاتا ہے اور یہ ایک مکمل طور پر پرامن اور تعمیری نوعیت کی تنظیم ہے جس کا مقصد محاذ آرائی نہیں بلکہ ترقی کو فروغ دینا، امن برقرار رکھنا اور باہمی اعتماد کو بڑھانا ہے۔

شنگھائی تعاون تنظیم کے حالیہ صدر کی حیثیت سے چین کی کارکردگی بارے یرمیک بائیف نے کہا کہ چین کی سرگرمیاں توانائی، موسمیاتی تبدیلی، غذائی تحفظ اور غربت میں کمی کے ساتھ ساتھ نوجوانوں کے تبادلے اور صحت عامہ جیسے بہت سے اہم شعبوں کا احاطہ کرتی ہیں جس نے رکن ممالک کے درمیان مختلف شعبوں میں تعاون میں نمایاں پیش رفت کو موثر طریقے سے فروغ دیا ہے۔ انہوں نے کہا کہ چین کے قومی گورننس سسٹم نے واقعی قابل ذکر نتائج دکھائے ہیں۔