عالمی خطرات اور چیلنجز سے نمٹنے کے لئے مل کر کام کرنا چاہیے، سی جی ٹی این سروے نتائج

ہفتہ 30 اگست 2025 14:22

بیجنگ (اُردو پوائنٹ اخبارتازہ ترین - اے پی پی۔ 30 اگست2025ء) چائنا میڈیا گروپ کے تحت سی جی ٹی این کی جانب سے 38 ممالک کے سروے نتائج کے مطابق شنگھائی تعاون تنظیم میں عملی تعاون کے اہم ثمرات اور چین کے اہم کردار کو سراہا گیاہے۔ سروے میں شامل 91.7 فیصد جواب دہندگان نے رکن ممالک کی اقتصادی ترقی پر شنگھائی تعاون تنظیم کے مثبت اثرات کی تصدیق کی جبکہ 83.7 فیصد جواب دہندگان کا ماننا ہے کہ شنگھائی تعاون تنظیم علاقائی ممالک کے درمیان مقامی کرنسی میں سیٹلمنٹ کو فروغ دینے سے خطے کے ممالک کو مغربی معاشی نظام پر اپنا انحصار کم کرنے میں مدد ملے گی۔

83.7 فیصد جواب دہندگان نے علاقائی سلامتی کو برقرار رکھنے میں ایس سی او کے فعال کردار کو مثبت قرار دیا۔ سروے میں ایس سی او ممالک کے 91.4 فیصد جواب دہندگان نے علاقائی سلامتی کو برقرار رکھنے اور علاقائی اقتصادی ترقی کو فروغ دینے میں چین کے عملی تعاون کے ثمرات کو سراہا۔

(جاری ہے)

86.8 فیصد جواب دہندگان کا خیال ہے کہ شنگھائی سپرٹ کثیر قطبی دنیا میں علاقائی حکمرانی کے لئے عدم طاقت اور عدم تصادم پر مبنی ایک نیا راستہ فراہم کرتا ہے ۔ علاوہ ازیں 83 فیصد جواب دہندگان نے اس توقع کا اظہار کیا کہ شنگھائی تعاون تنظیم کے پلیٹ فارم کے ذریعے دیگر ترقی پذیر ممالک کے ساتھ اقتصادی تعاون مضبوط ہو گا۔