بنگلہ دیش نے پہلے ٹی 20 انٹرنیشنل میچ میں نیدرلینڈز کو 8 وکٹوں سے ہرا کر تین میچوں کی سیریز میں 0-1 کی برتری حاصل کر لی

ہفتہ 30 اگست 2025 22:20

سلہٹ (اُردو پوائنٹ اخبارتازہ ترین - اے پی پی۔ 30 اگست2025ء) بنگلہ دیش نے پہلے ٹی 20 انٹرنیشنل میچ میں نیدرلینڈز کو 8 وکٹوں سے ہرا کر تین میچوں کی سیریز میں 0-1 کی برتری حاصل کر لی۔ گزشتہ روز سلہٹ انٹرنیشنل اسٹیڈیم میں کھیلے گئے میچ میں نیدرلینڈز نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 138 رنز بنائے۔ تیجا نیدامنارو 26 اور میکس اوڈوڈ 23 رنز بنا کر نمایاں رہے۔

(جاری ہے)

بنگلہ دیش کی جانب سے تسکین احمد نے شاندار باؤلنگ کا مظاہرہ کیا اور 4 وکٹیں حاصل کیں۔ جواب میں بنگلہ دیش نے جارحانہ بیٹنگ کا مظاہرہ کیا اور صرف 13.3 اوورز میں 2 وکٹوں کے نقصان پر مطلوبہ ہدف حاصل کر لیا۔ لٹن داس نے 29 گیندوں پر ناقابل شکست 54 رنز کی دھواں دار اننگز کھیلی جب کہ سیف حسن نے 36 اور تنزید حسن نے 29 رنز بنائے۔ تسکین احمد کو مین آف دی میچ قرار دیا گیا۔