راولپنڈی پولیس کی جانب سے گرجا گھروں کی سکیورٹی کے لیے سخت حفاظتی انتظامات

اتوار 31 اگست 2025 16:20

راولپنڈی (اُردو پوائنٹ اخبارتازہ ترین - اے پی پی۔ 31 اگست2025ء) راولپنڈی پولیس کی جانب سے گرجا گھروں کی سکیورٹی کے لیے سخت حفاظتی انتظامات کیے گئے ہیں۔

(جاری ہے)

پولیس کے مطابق 400 سے زائد افسران و جوان سکیورٹی کے فرائض انجام دے رہے ہیں جبکہ تھانوں کی موبائلز، ایلیٹ فورس اور ڈولفن فورس کی خصوصی ٹیمیں مسلسل گشت پر مامور ہیں۔ سینئر پولیس افسران ڈیوٹی پر تعینات اہلکاروں کو چیک کر رہے ہیں اور انہیں سکیورٹی امور کے حوالے سے بریفنگ بھی دی جا رہی ہے۔ اس موقع پر سٹی پولیس آفیسر (سی پی او) سید خالد ہمدانی نے کہا کہ شہریوں کی جان و مال کا تحفظ پولیس کی اولین ذمہ داری ہے اور اس مقصد کے لیے تمام وسائل بروئے کار لائے جا رہے ہیں۔