انٹرنیشنل سٹیلز کے منافع میں سال 2025 کی پہلی ششماہی کے دوران 56.75 فیصد کمی

پیر 1 ستمبر 2025 23:14

اسلام آباد (اُردو پوائنٹ اخبارتازہ ترین - اے پی پی۔ 01 ستمبر2025ء) انٹرنیشنل سٹیلز کے منافع میں سال 2025 کی پہلی ششماہی کے دوران 56.75 فیصد کمی ہوئی ہے ۔

(جاری ہے)

کمپنی کے مالیاتی نتائج کے مطابق جنوری تا جون 2025 کیلئے انٹر نیشنل سٹیلز کا منافع 1.6 ارب روپے تک کم ہوگیا جبکہ 30 جون 2024 کو ختم ہونے والی ششماہی کے دوران کمپنی کا منافع 3.7 ارب روپے رہا تھا ۔ اس طرح سال 2024 کی پہلی ششماہی کے مقابلہ میں رواں سال 2025 کے ابتدائی 6 ماہ کے دوران انٹر نیشنل سٹیلز کے منافع میں 2.1 ارب روپے یعنی 56.75 فیصد کی کمی ریکارڈ کی گئی ہے ۔