ترقیاتی کاموںاوربرقی لائنوں کی شفٹنگ کے سلسلے میں بجلی بند رہے گی، کیسکو

پیر 1 ستمبر 2025 20:36

کوئٹہ (اُردو پوائنٹ اخبارتازہ ترین - این این آئی۔ 01 ستمبر2025ء)کوئٹہ الیکٹرک سپلائی کمپنی(کیسکو)کے اعلامیہ کے مطابق کوئٹہ شہرکے مختلف علاقوں میں ترقیاتی کاموں کیلئے برقی لائنوں کی شفٹنگ اور کھمبوں کی تنصیب کئے جارہے ہیں۔

(جاری ہے)

اس سلسلے میں 2ستمبر(بروزمنگل) سریاب گرڈاسٹیشن کے 11Kvنیو جان محمد، اولڈجان محمد،سریاب ون، سریاب ٹو، اولڈلیاقت بازار، خیر بخش مری، واسا فیڈروں جبکہ شیخ ماندہ گرڈکے ائرپورٹ روڈ،عمر، چشمہ، واسافیڈرز صبح10 بجے سے دو پہر2بجے تک بجلی بندرہے گی۔

اسکے علاوہ 2ستمبراور3ستمبر کو(روزانہ) کوئٹہ سٹی گرڈاسٹیشن کے 11Kvشہبازٹاون، بروری روڈ، جناح ٹاون، ملک پلانٹ فیڈروں سے صبح10:30بجے سے دوپہر2:30بجے تک بجلی بندہوگی۔اسی طرح 3ستمبرکے روز 132Kvزرغون گرڈاسٹیشن کے نواں کلی بائی پاس اور صاحبزادہ فیڈروں سے دن11بجے سے سہ پہر3بجے تک بجلی کی فراہمی معطل رہے گی۔زحمت کیلئے متعلقہ صارفین سے پیشگی معذرت اور تعاون کی اپیل کی گئی ہے۔