Live Updates

بریگیڈیئر (ر)بابر علاؤالدین کاشگاف زدہ مقامات کا دورہ

شگاف سے ہونے والے نقصانات اور مرمتی اقدامات پر بریفنگ لی

اتوار 7 ستمبر 2025 14:05

لاہور(اُردو پوائنٹ اخبارتازہ ترین - این این آئی۔ 07 ستمبر2025ء)چیئرپرسن وزیراعلیٰ پنجاب انسپکشن، سرویلنس و مانیٹرنگ ڈائریکٹوریٹ بریگیڈیئر (ر)بابر علاؤالدین نے ریلوے کراسنگ ہری پور بند اور پرانا چناب جی ٹی روڈ کے شگاف زدہ مقامات کا دورہ کیا۔انہوں نے موقع پر موجود متعلقہ افسران سے ملاقات کی، شگاف سے ہونے والے نقصانات اور مرمتی اقدامات پر تفصیلی بریفنگ لی۔

اس موقع پر انہوں نے ہدایت کی کہ متاثرہ اطراف کو ہنگامی بنیادوں پر بحال کیا جائے تاکہ نقصانات کم سے کم ہوں اور عوام کو کسی بڑی مشکل کا سامنا نہ کرنا پڑے۔علاوہ ازیںبابر علاؤالدین نے ایس ڈی او، انجینئرز پبلک ہیلتھ ڈپارٹمنٹ اور متعلقہ عملے کے ہمراہ سوہدرہ کے سیلاب متاثرہ علاقوں کا دورہ کیا۔ انہوں نے نکاسی آب کے عمل کو تیز کرنے کی ہدایت دی اور اس سلسلے میں جاری کام کا تفصیلی جائزہ لیا۔

(جاری ہے)

لاہور 7 ستمبر :-چیئرپرسن وزیراعلیٰ پنجاب انسپکشن، سرویلنس و مانیٹرنگ ڈائریکٹوریٹ بریگیڈیئر بابر علاؤالدین ستارہ امتیاز ملٹری (ر) نے اسسٹنٹ کمشنر سمبڑیال غلام فاطمہ کے ہمراہ سیلاب سے متاثرہ علاقوں اور دیہات کا دورہ کیا۔ اس موقع پر انہوں نے ریسکیو اور بحالی کے عمل کا تفصیلی جائزہ لیا اور متاثرہ خاندانوں سے ملاقات بھی کی۔چیئرپرسن نے متاثرین سے گفتگو کرتے ہوئے ان کے دکھ درد کو اپنا دکھ قرار دیا اور کہا کہ مشکل کی اس گھڑی میں حکومت پنجاب عوام کے ساتھ کھڑی ہے۔

انہوں نے ریسکیو اداروں اور ضلعی انتظامیہ کی کاوشوں کو سراہتے ہوئے ہدایت کی کہ امدادی سرگرمیوں میں کسی قسم کی کوتاہی نہ برتی جائے اور متاثرہ خاندانوں کو ہر ممکن سہولت فراہم کی جائے۔انہوں نے موقع پر موجود افسران کو ہدایت کی کہ متاثرہ دیہات میں ریلیف کا کام تیزی سے مکمل کیا جائے اور ہر گھر تک خوراک و ضروری اشیاء پہنچائی جائیں۔چیئرپرسن نے عوام کو یقین دلایا کہ بحالی کا عمل جلد از جلد مکمل ہوگا اور سیلاب متاثرین کو تنہا نہیں چھوڑا جائے گا۔