ْلبنان،ہتھیاروں پر ریاستی کنٹرول کے وقت کا تعین کرنے کے لیے فوج کو اختیارات سونپ دیے گئے

حکومت ہتھیاروں پر کنٹرول کے لیے فوج کی حکمت عملی کی حمایت کرتی ہے، لبنانی وزیر کی عرب ٹی وی سے گفتگو

پیر 8 ستمبر 2025 12:05

بیروت(اُردو پوائنٹ اخبارتازہ ترین - این این آئی۔ 08 ستمبر2025ء)لبنان کے وزیر زراعت نزار ہانی نے کہا ہے کہ حکومت نے فوج کی ہتھیاروں کو کنٹرول کرنے کی منصوبہ بندی کی مکمل حمایت اور تائید کی ہے۔انہوں نے عرب ٹی وی سے گفتگو کرتے ہوئے بتایا کہ حکومت نے لبنانی فوج کو اس بات کا اختیار دے دیا ہے کہ وہ ہتھیاروں کے کنٹرول کے لیے وقت کا تعین کرے۔

(جاری ہے)

ان کا کہنا تھا کہ فوج کا سربراہ اس حوالے سے حکومت کو باقاعدگی سے رپورٹ پیش کرے گا جبکہ شیعہ اتحاد سے تعلق رکھنے والے وزرا نے اس موضوع پر مزید بحث کے لیے وقت بڑھانے کا مطالبہ کیا ہے۔ہانی نے زور دیا کہ اسرائیل کو جنوبی لبنان کی پانچ متنازعہ مقامات سے پیچھے ہٹنا چاہیے۔ ان کا کہنا تھا کہ امریکی تجویز اسرائیل پر بھی ذمہ داریاں عائد کرتی ہے۔