اسرائیل کے رامون ائیرپورٹ پرحوثیوں کا ڈرون حملہ ، فلائٹ آپریشن معطل

پیر 8 ستمبر 2025 14:09

تل ابیب(اُردو پوائنٹ اخبارتازہ ترین - این این آئی۔ 08 ستمبر2025ء) یمن کے حوثیوں کی جانب سے داغا گیا دھماکہ خیز ڈرون اسرائیل کے جنوبی علاقے میں واقع رامون ائیرپورٹ سے ٹکرا گیا، جس کے بعد فلائٹ آپریشن معطل کردیا گیا۔

(جاری ہے)

اسرائیلی میڈیا کے مطابق حملے میں 2 افراد معمولی زخمی ہوئے، امدادی اداروں نے زخمیوں کو فوری طبی امداد فراہم کی۔ڈرون نے ایئرپورٹ کے پسینجر ٹرمینل کو نشانہ بنایا، جس کے بعد جائے وقوعہ سے دھوئیں کے بادل اٹھتے دکھائی دیے۔اس واقعے سے کچھ ہی دیر قبل اسرائیلی فوج نے دعوی کیا تھا کہ اس نے یمن سے آنے والے تین ڈرون مار گرائے ہیں۔