اٹک، عوامی خدمت ریسکیو رضاکاروں کی اولین ترجیح ہونی چاہئے، ڈاکٹر فیصل محمود

پیر 8 ستمبر 2025 15:27

اٹک (اُردو پوائنٹ اخبارتازہ ترین - اے پی پی۔ 08 ستمبر2025ء) سیکرٹری ایمرجنسی سروسز ڈیپارٹمنٹ ڈاکٹر رضوان نصیر (ستارہِ امتیاز) کی خصوصی ہدایات کی روشنی میں ریجنل ایمرجنسی آفیسر ڈاکٹر فیصل محمود نے ریسکیو اسٹیشن اٹک کا دورہ کیا۔ اس موقع پر ڈسٹرکٹ ایمرجنسی آفیسر علی حسین نے استقبال کیا۔ ریسکیورز کے چاق و چوبند دستے نے سلامی دی۔ ڈاکٹر فیصل محمود نے ریسکیو 1122 سٹاف کا ٹرن آوٹ، یونیفارم اورحاضری چیک کی۔

اس کے علاوہ ریسکیو 1122 ریسکیو اسٹیشن کے تمام ونگز، ریسکیو کنٹرول روم، میڈیسن سٹور، ان ہاوس ورکشاپ، ریسکیو موٹربائیکس، ایمبولینسز , فائر وہیکل,ریسکیو وہیکل اور ایمرجنسی میں استعمال ہونے والے آلات کا معائنہ کیا۔ ریجنل ایمرجنسی آفیسر نے ریسکیو آفیسرز اور ریسکیو سٹاف سے خطاب کرتے ہوئے کہا کہ مانیٹرنگ کا مقصد ریسکیو سروس میں مزید بہتری لاتے ہوئے عوام کو بروقت اور بہتر انداز میں مدد فراہم کرنا ہے۔

(جاری ہے)

کیونکہ دکھی انسانیت کی خدمت ہی سب سے بڑی نیکی اور اجر عظیم ہے اس لیے ریسکیو جوان دلجمعی کے ساتھ دُکھی انسانیت کی خدمت کرتے رہیں۔ کیونکہ یہ فرائض کے ساتھ ساتھ ایک عبادت بھی ہے۔ ریجنل ایمرجنسی آفیسر نے دورہ کے دوران ضلع اٹک کی کارکردگی کو سراہتے ہوئے تمام ریسکیو آفیسرز اور جوانوں کو شاباش دی۔\378

Facebook Twitter Google + Share on Whatsapp

اٹک، عوامی خدمت ریسکیو رضاکاروں کی اولین ترجیح ہونی چاہئے، ڈاکٹر فیصل محمود

متعلقہ عنوان :

مزید قومی خبریں