اے اے سی دیر پائین کا مختلف پیٹرول پمپوں کا دورہ، گیج، پیمانے، آگ بجھانے والے آلات کا جائزہ

پیر 8 ستمبر 2025 23:03

پشاور (اُردو پوائنٹ اخبارتازہ ترین - اے پی پی۔ 08 ستمبر2025ء) ایڈیشنل اسسٹنٹ کمشنر ثمرباغ احسان اللہ نے سب ڈویژن جندول میں واقع مختلف پٹرول پمپوں کا اچانک دورہ کیا۔ اس دوران پٹرول پمپس میں گیج، پیمانے، آگ بجھانے والے آلات، واش روم کی صفائی اور این او سی وغیرہ چیک کیے۔

(جاری ہے)

ایڈیشنل اسسٹنٹ کمشنر نے تمام پٹرول پمپ مالکان کو ہدایت کی کہ وہ پیمانوں کو درست رکھیں، تمام قانونی تقاضے پورے کریں اور صارفین کی سہولت کے لیے واش رومز کی صفائی یقینی بنائیں۔ انہوں نے واضح ہدایات دیتے ہوئے کہا کہ خلاف ورزی کی صورت میں بھاری جرمانے اور قانونی کارروائی کی جائیگی۔