سپریم کورٹ آئینی بنچ نے سپرٹیکس کیس میں تمام عدالتی فیصلوں کی سمری کل طلب کرلی

پیر 8 ستمبر 2025 22:51

اسلام آباد(اُردو پوائنٹ اخبارتازہ ترین - آن لائن۔ 08 ستمبر2025ء)سپریم کورٹ آئینی بنچ نے سپرٹیکس کیس میں تمام عدالتی فیصلوں کی سمری کل منگل کوطلب کرلی ،عدالت کوبتایاگیاتھاکہ لاہورہائی کورٹ کافیصلہ چیلنج نہیں کیاگیاجبکہ اسلام آبادہائی کورٹ میں دونوں سیکشنزکافیصلہ ہوچکاہے ،پیر کوسپریم کورٹ آئینی بینچ میں سپر ٹیکس سے متعلق کیس کی سماعت ہوئی، جسٹس امین الدین خان کی سربراہی میں 5 رکنی بینچ نے سماعت کی۔

(جاری ہے)

ایف بی آر کی وکیل عصمہ حامد نے دلائل کا آغاز کیا اور مؤقف اپنایا کہ کسی ٹیکس پیئر نے لاہور ہائی کورٹ کا فیصلہ چیلنج نہیں کیا، اسلام آباد ہائی کورٹ میں دونوں سیکشنز کا فیصلہ ہو چکا ہے۔وکیل ایف بی آر نے کہا کہ 2022 میں 89 درخواست گزاروں نے اسلام آباد ہائیکورٹ میں درخواستیں دائر کی تھیں۔جسٹس محمد علی مظہر نے استفسار کیا کہ تمام عدالتی فیصلوں میں ایک سی چیز کیا ہی ، انہوں نے ہدایت دی کہ تمام عدالتی فیصلوں کی بریف سمری عدالت میں جمع کروا دیں۔عصمہ حامد نے مؤقف اختیار کیا کہ لاہور ہائیکورٹ کے فیصلے میں اکثریت نے اسلام ہائی کورٹ میں درخواست دائر کی تھی، کیس کی سماعت آج منگل صبح ساڑھے نو بجے تک ملتوی کر دی گئی۔