بھارتی بورڈ کی دولت میں 5 برس کے دوران کروڑوں روپے کا اضافہ

پیر 8 ستمبر 2025 22:37

ممبئی(اُردو پوائنٹ اخبارتازہ ترین - آن لائن۔ 08 ستمبر2025ء) بھارتی کرکٹ بورڈ کی مالی حالت مسلسل مضبوط ہو رہی ہے، بورڈ کے پاس گزشتہ سال کے اختتام پر بینک بیلنس 20 ہزار 686 کروڑ روپے تھا جو 2019 میں صرف 6 ہزار 59 کروڑ روپے تھا۔ایک رپورٹ کے مطابق پچھلے پانچ برسوں میں بی سی سی آئی نے 14 ہزار 627 کروڑ روپے کا اضافہ حاصل کیا۔

(جاری ہے)

بی سی سی آئی نے 2024 کے اے جی ایم میں پیش کیے گئے اکاؤنٹس میں بتایا کہ عام فنڈ بھی 2019 کے 3 ہزار 906 کروڑ روپے سے بڑھ کر اب 7 ہزار 988 کروڑ روپے ہو گیا۔

انٹرنیشنل ٹوورز سے آمدنی پچھلے سال 642.78 کروڑ روپے کے مقابلے میں اس سال کم ہو کر 361.22 کروڑ روپے رہی جبکہ سود کی مد میں آمدنی 986.45 کروڑ روپے رہی جو پچھلے سال 533.05 کروڑ روپے تھی۔اس سال فاضل آمدنی 1623.08 کروڑ روپے رہی جو پچھلے سال کے 1167.99 کروڑ روپے سے زیادہ ہے، اس کی بڑی وجہ آئی پی ایل 2023 اور آئی سی سی سے ملنے والی رقم ہے۔