سہ ملکی سیریزفائنل ‘ نوازکی افغانستان کے خلاف شاندارہیٹ ٹرک

پیر 8 ستمبر 2025 22:37

شارجہ(اُردو پوائنٹ اخبارتازہ ترین - آن لائن۔ 08 ستمبر2025ء)قومی کرکٹ ٹیم کے سپنر محمد نواز نے سہ ملکی سیریز کے فائنل میچ میں افغانستان کے خلاف ہیٹ ٹرک کر ڈالی۔محمد نواز نے 29 کے مجموعی سکور پر افغان بیٹر درویش رسولی کو ایل بی ڈبلیو آؤٹ کیا، ان کے بعد نئے آنے والے بیٹر عظمت اللہ عمرزئی بھی وکٹ کیپر کو کیچ تھما بیٹھے، محمد نواز کا تیسرا شکار ابراہیم زادران بنے جنہیں نواز نے اپنے اگلے اوور کی پہلی گیند پر پویلین بھیج دیا، وہ سٹمپ آؤٹ ہوئے۔

(جاری ہے)

ہیٹ ٹرک کے بعد بھی نواز نے افغان بلے بازوں کو شکار کرنے کا سلسلہ جاری رکھا، نئے آنے والے بیٹر کریم جنت بھی صرف 2 گیندیں کھیلنے کے بعد بنا کوئی رن بنائے تیسری گیند پر نواز کے ہاتھوں آؤٹ ہو گئے۔نواز کا اگلا شکار افغان کپتان راشد خان بنے جو 55 کے مجموعی سکور پر 17 رنز بنا کر کیچ آؤٹ ہو گئے، محمد نواز نے 4 اوورز میں 19 رنز دے کر 5 کھلاڑیوں کو آؤٹ کیا، اس کے علاوہ انہوں نے 25 قیمتی رنز بھی بنائے۔خیال رہے کہ تین ملکی ٹی 20 سیریز کے فائنل میں پاکستان نے افغانستان کو جیت کے لیے 142 رنز کا ہدف دیا تھا تاہم افغان ٹیم 16 ویں اوور میں 66 رنز بناکر آؤٹ ہو گئی۔