ایشیا کپ کیلئے تیار، امید ہے اچھے نتائج دیں گے‘ سلمان علی آغا

پیر 8 ستمبر 2025 22:46

شارجہ (اُردو پوائنٹ اخبارتازہ ترین - آن لائن۔ 08 ستمبر2025ء) پاکستان ٹی 20 ٹیم کے کپتان سلمان علی آغا نے کہا ہے کہ ایشیا کپ کیلئے تیار ہیں، اُمید ہے اچھے نتائج دیں گے۔

(جاری ہے)

شارجہ میں سیریز جیتنے کے بعد پریس کانفرنس کرتے ہوئے قومی کپتان سلمان علی آغا نے کہا ہے کہ ہوم سیریز کے بعد اعتماد تھا کہ موجودہ ٹیم کے ساتھ جیت سکتے ہیں، موجودہ پچ پر 140 بڑا چیلنجنگ سکور تھا، افغان ٹیم کے پاس دنیا کی بہترین سپن بولنگ ہے۔

انہوں نے کہا ہے کہ افغان سپنرز کے خلاف شاندار بیٹنگ پرفارمنس دی، وکٹ دیکھ کر سپنرز کھلانے کا فیصلہ کیا، محمد نواز نے ہمیشہ وننگ پرفارمنس دی ہے، وکٹ کے معائنے کے بعد 2 سپنرز کھلائے جس سے کامیابی ملی۔قومی ٹی 20 کے کپتان سلمان علی آغا نے پریس کانفرنس کے دوران مزید کہا ہے کہ دوسری ٹیموں کی رینکنگ پر نہیں اپنی کارکردگی پر توجہ ہے، ایشیا کپ کے لیے مکمل تیار ہیں۔