خیبرپختونخوا کی 5 ویلیج کونسلز کے چیئرمینوں کی خالی نشستوں پر پولنگ 11 ستمبر کو ہو گی

منگل 9 ستمبر 2025 14:00

پشاور (اُردو پوائنٹ اخبارتازہ ترین - اے پی پی۔ 09 ستمبر2025ء) خیبرپختونخوا کے 4 اضلاع کی 5 ویلیج کونسلز کے چیئرمینوں کی خالی نشستوں پر پولنگ 11 ستمبر کو ہو گی۔ الیکشن کمیشن خیبرپختونخوا کے مطابق ان ہاوس پولنگ 11 ستمبر کو بذریعہ اوپن ڈویژن ہوگی، متعلقہ ویلیج کونسل کے ممبران اپنا حق رائے دہی استعمال کریں گے۔ ان اضلاع میں مردان ، ہنگو، اورکزئی اور ٹانک شامل ہیں۔

اس میں مردان کی 2 ویلیج کونسل گوجر گڑھی۔ lll اور ٹکر۔

(جاری ہے)

ll، ہنگو میں بلیا مینہ ،اورکزی میں غزگڑھ جبکہ ٹانک میں بدھاویلیج کونسل میں انتخابات ہوں گے ،پولنگ کے انعقاد کے لئے ریٹرننگ افسران کی تقرری پہلے ہی کردی گئی ہے۔ شیڈول کے مطابق ریٹرننگ افسران کاغذات نامزدگی اسی دن وصول کریں گے، ان کاغذات کی جانچ پڑتال بھی اسی دن ہی کی جائے گی، کوئی ممبر صرف ایک امیدوار کا تجویز کنندہ یا تائید کنندہ ہوسکتا ہے، اسی دن ہی امیدوار اپنے کاغذات واپس لے سکیں گے ، یہ انتخابات اوپن ڈویژن کے اصول کے تحت منعقد ہوں گے،ہر امیدوار متعلقہ رجسٹر میں اپنے پسند کے امیدوار کا نام لکھ کر دستخط اور اپنے انگوٹھے کا نشان لگائے گا۔

ریٹرننگ آفیسر نتیجہ متعلقہ فارم پر صوبائی الیکشن کمشنر کو فوری طور پر ارسال کرے گا۔