خیبرپختونخوا کے 4 اضلاع کے 5 ویلیج کونسلوں کے چئیرمینوں کی خالی نشستوں پرپولنگ کا شیڈول جاری

منگل 9 ستمبر 2025 22:41

پشاور(اُردو پوائنٹ اخبارتازہ ترین - آن لائن۔ 09 ستمبر2025ء) خیبرپختونخوا کے 4 اضلاع کے 5 ویلیج کونسلوں کے چئیرمینوں کی خالی نشستوں پر ان ہاوس پولنگ کا شیڈول جاری کر دیا گیا ہے ۔پولنگ 11 ستمبر کو بذریعہ اوپن ڈویژن ہوگی۔ترجمان صوبائی الیکشن کمشنر خیبرپختونخواسہیل احمدکے مطابق متعلقہ ویلیج کونسل کے ممبران اپنا حق رائے دہی استعمال کریں گے۔

ان اضلاع میں مردان،، ہنگو،، اورکزئی اور ٹانگ شامل ہیں۔اس میں مردان کے دو ولج کونسل گوجر گڑھی- lll اور ٹکر- ll, ہنگو میں بلیا مینہ,اور کزیی میں غزگڑھ جبکہ ٹانک میں بدھا ویلج کونسل میں انتخابات کا انعقاد ہوگا۔پولنگ کے انعقاد کیلئے ریٹرننگ افسران کی تقرری پہلے ہی کردی گئی ہے، شیڈول کے مطابق ریٹرننگ آفیسر کاغذات نامزدگی اسی دن وصول کریں گے، ان کاغذات کی جانچ پڑتال بھی اسی دن ہی کی جائیگی، کوئی ممبر صرف ایک امیدوار کا تجویز کنندہ یا تائید کنندہ ہوسکتا ہے، اسی دن ہی امیدوار اپنے کاغذات واپس لے سکیں گے۔

(جاری ہے)

یہ انتخابات اوپن ڈویژن کے اصول کے تحت منعقد ہوں گے، ہر امیدوار متعلقہ رجسٹر میں اپنے پسند کے امیدوار کا نام لکھ کر دستخط اور اپنے انگوٹھے کا نشان لگائیگااور ہال سے باہر جائیگا۔ ریٹرننگ آفیسر نتیجہ متعلقہ فارم پر صوبائی الیکشن کمشنر کو فوری طور پر ارسال کریگا جسے الیکشن کمیشن سیکرٹریٹ کو بھجوا یا جائیگا۔