سندھ ہائیکورٹ ، نجی بنک سے قرضہ حاصل کرکے مورگیج گھر دوسرے فریق کو فروخت کرنے سے متعلق درخواست پر فریقین سے دلائل طلب

منگل 9 ستمبر 2025 20:40

کراچی(اُردو پوائنٹ اخبارتازہ ترین - این این آئی۔ 09 ستمبر2025ء)سندھ ہائیکورٹ نے نجی بنک سے قرضہ حاصل کرکے مورگیج گھر دوسرے فریق کو فروخت کرنے سے متعلق درخواست پر فریقین سے دلائل طلب کرلیئے۔سندھ ہائیکورٹ میں نجی بنک سے قرضہ حاصل کرکے مورگیج گھر دوسرے فریق کو فروخت کرنے سے متعلق درخواست کی سماعت ہوئی۔ درخواستگزار کے وکیل نے کوقف دیا کہ ہم بنک سے سیٹلمنٹ کرنے کے لیے تیار ہیں۔

جسٹس محمد اقبل کلہوڑو نے ریمارکس دیئے کہ درخواستگزار کو خدا کو خوف نہیں ہی جس گھر پر بنک سے قرضہ حاصل کیا وہ کسی کو بیچ دیا۔ یہاں تو جوڑ توڑ کر لو گے اوپر ایک اور بھی عدالت ہے وہاں کیسے کرو گی ڈرو اس دن سے جس دن اوپر والے کی پکڑ ہوگی۔ نجی بنک کے وکیل نے موقف دیا کہ درخواستگزار نے ایف بی ایریا کے گھر پر 2019 میں بنک سے 2 کروڑ روپے قرضہ لیا۔

(جاری ہے)

بنک نے درخواستگزار سید کاظم رضا کا گھر مورگیج رکھا تھا۔ درخواستگزار نے مورگیج گھر کسی پرائیویٹ شخص کو بیچ دیا بنک کو پیسہ بھی ادا نہیں کیا۔ درخواستگزار کے وکیل نے موقف دیا کہ عدالت حکم دے تو جو بھی رقم بنتی ہے ہم دینے کے لیے تیار ہیں۔ عدالت نے برہمی کا اظہار کرتے ہوئے ریمارکس دیئے کہ پہلے گھر بیچ دیا اب یہ بھی عدالت آپ کو حکم دی جو کرنا ہے بنک کے ساتھ کریں، عدالت میں کیوں درخواست دائر کردی عدالت نے 29 اکتوبر کو فریقین سے دلائل طلب کرلیئے۔