وزیر اعلیٰ پنجاب مریم نواز شریف کی ہدایتپر پنجاب پولیس کا بجلی چوروں کے خلاف کریک ڈاؤن جاری

رواں سال اب تک صوبہ بھر میں بجلی چوروں کے خلاف 68 ہزار سے زائد مقدمات درج کئے گئے ‘ترجمان پنجاب پولیس

منگل 9 ستمبر 2025 21:25

لاہور(اُردو پوائنٹ اخبارتازہ ترین - این این آئی۔ 09 ستمبر2025ء) وزیر اعلیٰ پنجاب مریم نواز شریف کی ہدایت پر پنجاب پولیس کا بجلی چوروں کے خلاف کریک ڈاؤن جاری ہے جس کے تسلسل میں رواں سال اب تک لاہور سمیت صوبہ بھر میں بجلی چوروں کے خلاف 68 ہزار سے زائد مقدمات درج کیے گئے۔ ترجمان پنجاب پولیس نے تفصیلات سے آگاہ کرتے ہوئے بتایا کہ لاہور سمیت صوبہ بھر سے بجلی چوری میں ملوث 50 ہزار سے زائد ملزمان کو گرفتار کیا گیا۔

(جاری ہے)

بجلی چوری کے 45 ہزار 522 مقدمات کے چالان مکمل کیے گئے۔ قومی خزانے کو نقصان پہنچانے والے 12 ہزار 479 ملزمان کو سزائیں اور جرمانے کروائے گئے۔ صوبائی دارالحکومت لاہور میں بجلی چوری کے 24 ہزار سے زائد مقدمات درج کئے گئے اور 23 ہزار سے زائد بجلی چور گرفتار کیے گئے۔ آئی جی پنجاب ڈاکٹر عثمان انور نے بجلی چوروں کے خلاف کریک ڈاؤن جاری رکھنے کا حکم دیا ہے۔ انہوں نے کہا کہ قومی خزانے کو نقصان پہنچانے والے ملزمان کے خلاف ترجیحی کاروائیاں کی جائیں۔