Live Updates

حیدرآباد میں بارش نے جل تھل کردیا، نیاز اسٹیڈیم میں پانی جمع

بدھ 10 ستمبر 2025 16:58

حیدر آباد (اُردو پوائنٹ اخبارتازہ ترین - این این آئی۔ 10 ستمبر2025ء)حیدرآباد میں شدید بارش کے بعد شہر کے مختلف علاقوں میں پانی جمع ہوگیا۔تفصیلات کے مطابق حیدرآباد میں دو دن سے جاری بارش کے باعث شہر کی صورتحال ابتر ہوگئی اور شہر کے نشیبی علاقے زیر آب آگئے ہیں۔

(جاری ہے)

بارش کے باعث شہر کے نیاز کرکٹ اسٹیڈیم میں بھی پانی جمع ہوگیا ہے جبکہ شہر سے گزرنے والا ریلوے ٹریک بھی پانی میں ڈوب گیا اور ٹرینیں پانی میں ڈوبے ٹریک پر چلتی ہوئی منزل کی طرف روانہ ہوئیں ادھر تھر کی ڈیپلو تحصیل اسپتال میں بارش کا پانی آگیا جس کے باعث ہسپتال کی عمارت کو بند کردیا گیا اور او پی ڈی متبادل جگہ منتقل کردی گئی۔

اس کے علاوہ سجاول، ٹھٹھہ اور نوشہروفیروز میں بھی بارش کے بعد نشیبی علاقوں میں پانی جمع ہوگیا جبکہ بارش کے باعث مہران اور سندھ یونیورسٹی میں تدریسی عمل معطل ہوگیا