ٹک ٹاک، سیزن 4 کے لیے تماشہ کا آفیشل ڈیجیٹل پارٹنر بن گیا

کراچی(اُردو پوائنٹ اخبارتازہ ترین - این این آئی۔ 10 ستمبر2025ء)ٹک ٹاک نے تماشا سیزن 4کے ساتھ اپنی شراکت کا اعلان کیا ہے، جو اے آر وائی ڈیجیٹل کا فلیگ شپ ریئلٹی شو اور پاکستان میں بگ برادر فارمیٹ کا مقامی ورژن ہے۔ اِس شراکت کے ذریعے، ٹک ٹاک تماشا کے لیے ایک سیکنڈ اسکرین کا کام ادا کررہا ہے جہاں مداحوں کو پردے کے پیچھے کی خصوصی جھلکیاں، مقابلہ کرنے والے امیدواروں کی نمایاں جھلکیاں، اور کری ایٹرز کا تیار کردہ کانٹنٹ فراہم کیا جارہا ہے ، جو شائقین کو پہلے سے کہیں زیادہ شو کے قریب لا رہا ہے۔

ٹک ٹاک نے #Tamasha4onARY کے ذریعے ہفتہ وار انٹرایکٹو ووٹنگ کا نظام بھی متعارف کرایا ہے جس کے ذریعے مداح اپنے پسندیدہ امیدواروں کو براہِ راست ایپ پر سپورٹ کر سکتے ہیں۔ یہ ریئل ٹائم شمولیت ،دیکھنے کے تجربے کو بدل رہی ہے ، کیونکہ اس سے ناظرین کو پورے سیزن کے دوران نتائج پر اثر انداز ہونے میں زیادہ فعال کردار مل رہا ہے ۔

(جاری ہے)

اس شراکت پر تبصرہ کرتے ہوئے، ٹک ٹاک کے کنٹینٹ آپریشنز لیڈ، پاکستان اور جنوبی ایشیا،عمیس نوید نے کہا:ہم تماشا کے ساتھ شراکت پر بہت خوش ہیں جو ایک ایسا شو ہے جو پاکستان میں تخلیقی حدود کو آگے بڑھا رہا ہے اور ریئلٹی ٹیلی ویژن کی نئی تعریف متعین کررہاہے۔

ٹک ٹاک میں، ہم ثقافتی طور پر متعلقہ کانٹنٹ کی حمایت اور مقامی کری ایٹرز کو بااختیار بنانے کے لیے پرعزم ہیں۔ یہ شراکت مداحوں کو اِس تجربے کے مزید قریب لے آتی ہے اور اِس بات کی عکاسی کرتی ہے کہ لوگ تفریح کو کس طرح بدلتے ہوئے انداز میں دیکھتے اور اس سے جڑتے ہیں۔دوسری جانب اس شراکت پر اپنے خیالات کا اظہار کرتے ہوئے، اے آر وائی ڈیجیٹل نیٹ ورک کے چیف ایگزیکٹو آفیسر،جرجیس سیجا نے کہا:"وقت کے ساتھ تماشا پاکستان کی سب سے بڑی تفریحی خصوصیت بن چکا ہے، اور ٹک ٹاک کے ساتھ ہماری شراکت اس تجربے کو ایک نئی سطح پر لے جاتی ہے۔

مداحوں کی فی الفور شمولیت اور کری ایٹرز پر مبنی کہانی سنانے کے امتزاج کے ذریعے، ہم نہ صرف اپنے ناظرین کو ایک منفرد انداز میں متحرک کر رہے ہیں بلکہ پاکستان کی انٹرٹینمنٹ انڈسٹری کو عالمی سطح پر بھی اجاگر کر رہے ہیں۔"ٹک ٹاک کے ساتھ اپنی شراکت کے ذریعے، تماشا عالمی سطح پر قدم رکھ رہا ہے۔ یہ اشتراک بین الاقوامی ناظرین کے لیے پاکستان کے سب سے بڑے ریئلٹی شو کو دریافت کرنے کے دروازے کھولتا ہے، کیونکہ ٹک ٹاک کی عالمی رسائی مقامی ٹیلنٹ کو سرحدوں سے آگے لے جا رہی ہے۔

یہ شراکت نہ صرف تماشا کی رسائی کو بڑھاتی ہے بلکہ روایتی ٹیلی ویژن اور ڈیجیٹل پلیٹ فارمز کے درمیان خلا کو بھی پر کرتی ہے۔ ناظرین کو براہِ راست اور تخلیقی انداز میں مشغول کرنے کے ذریعے، ٹک ٹاک پاکستان میں تفریح کے مستقبل کو تشکیل دینے میں ایک کلیدی کردار ادا کر رہا ہے۔یہ ٹک ٹاک کے اس مشن کو مزید مضبوط کرتا ہے کہ وہ مقامی تفریح کا جشن منائے، ٹیلنٹ کی حمایت کرے اور تخلیقی اور مثر کانٹنٹ کے ذریعے کمیونٹیز کو متحد کرے۔ شائقین @TamashaARYDigital کو فالو کر سکتے ہیں اور#Tamasha4onARY کے ذریعے گفتگو میں حصہ لے کر تازہ ترین معلومات حاصل کر سکتے ہیں، امیدواروں کو ووٹ دے سکتے ہیں اور پورے سیزن کے دوران خصوصی کانٹنٹ تک رسائی حاصل کر سکتے ہیں۔