ایف آئی اے کوئٹہ کی کارروائیاں،،حوالہ ہنڈی ،غیرقانونی ایکسچینج میں ملوث 4ملزمان گرفتار

جمعرات 11 ستمبر 2025 23:06

کوئٹہ(اُردو پوائنٹ اخبارتازہ ترین - این این آئی۔ 11 ستمبر2025ء)ایف آئی اے نے کوئٹہ میں کارروائیوں کے دوران حوالہ ہنڈی اور غیرقانونی ایکسچینج میں ملوث 4ملزمان کو گرفتار کرلیا۔

(جاری ہے)

ایف آئی اے بلوچستان کے ترجمان کے مطابق ڈی جی ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث ملزمان کے خلاف کریک ڈاون جاری ہے ایف آئی اے کمرشل بینکنگ سرکل کوئٹہ نے مختلف کارروائیوں کے دورا ن حوالہ ہنڈی میں ملوث منظم گینگ کے 4 ملزمان محمد یعقوب، تاج محمد، رحمت اللہ اور حکمت اللہ کو گرفتار کرلیا ملزمان کے قبضے سے ایرانی ریال، یو ار ای درہم کی غیر قانونی ایکسچینج سے متعلق ریکارڈ برآمدکرلیاگیا ۔

ترجمان نے بتایا کہ گرفتا ملزمان سے 5 موبائل فونز اور حوالہ ہنڈی سے متعلق شواہد بھی برآمد کر لیے گئے گرفتار ملزمان حوالہ ہنڈی میں ملوث بین الاقوامی گینگ کا حصہ ہیںملزمان کو گرفتار کر کے تفتیش شروع کر دی گئی جبکہ ملزمان کے دیگر ساتھیوں کی گرفتاری کے لئے چھاپے مارے جا رہے ہیں۔