خیبرپختونخوا آئل اینڈ گیس کمپنی بقایاجات کی وصولی میں ناکام ہوگیا ، آڈٹ رپورٹ

خیبرپختونخوا آئل اینڈ گیس کمپنی نے لکی بلاک کا انتخاب کیا جو غیر دانشمندانہ فیصلہ تھا، رپورٹ

جمعرات 11 ستمبر 2025 20:30

پشاور(اُردو پوائنٹ اخبارتازہ ترین - این این آئی۔ 11 ستمبر2025ء)خیبرپختونخوا آئل اینڈ گیس کمپنی سے متعلق آڈٹ رپورٹ سامنے آگئی آڈٹ رپورٹ 24-2023 کے مطابق صوبائی کمپنی کے وفاقی کمپنی کے سوئی ناردرن گیس پائپ لائن لمیٹڈ کے ذمے 39 لاکھ روپے سے زیادہ واجب الادا ہیں مگر کمپنی یہ واجب الادا رقم وصول کرنے میں ناکام رہی۔ رپورٹ کے مطابق کے پی او جی سی ایل نے اورکزئی اور تیراہ بلاکس میں آپریٹرز کو کیش کالزکی ادائیگی نہیں کی جس کے نتیجیمیں90 کروڑ 23 لاکھ روپے زرمبادلہ کا نقصان ہوا۔

رپورٹ میں بتایا گیا کہ مشترکہ مفادات کونسل کے فیصلے کے تحت ہر صوبائی ہولڈنگ کمپنی کو ایک بلاک بولی کے بغیر دیا گیا، خیبرپختونخوا آئل اینڈ گیس کمپنی نے لکی بلاک کا انتخاب کیا جو غیر دانشمندانہ فیصلہ تھا، اس کے نتیجے میں وقت اور وسائل ضائع ہوئے، صوبائی حکومت کی درخواست پر بعد میں لکی بلاک کو میران بلاک سے تبدیل کیاگیا۔

(جاری ہے)

رپورٹ کے مطابق مشترکہ مفادات کونسل کے فیصلے کے بعد صوبائی کمپنی کو مؤثربلاک کیانتخاب کا سنہری موقع ملا تھا، رپورٹ میں سفارش کی گئی ہے کہ لکی بلاک کے چناؤ کے معاملے کی انکوائری کی جائے تاکہ ذمہ داروں کا تعین ہوسکے۔

رپورٹ کے مطابق کمپنی کی5 کروڑ 90 لاکھ روپے لاگت کی گاڑیوں کی رجسٹریشن محکمہ توانائی کے نام پرکی گئی، ادارے نے غیرقانونی طور پر محکمہ توانائی کو گاڑیاں دیں، کمزورنظام اور غیرمؤثرمینجمنٹ کمپنی کو اپنی گاڑیوں کی ملیکت سے محروم ہونیکا باعث بنی، ادارہ دوسری جگہوں پر استعمال ہونے والی اپنی گاڑیاں واپس لے۔ رپورٹ میں سفارش کی گئی ہے کہ کمپنی آپریٹرز کو رقم کی بروقت ادائیگی یقینی بنائے تاکہ زرمبادلہ کے نقصان سیبچاجاسکے جب کہ کمپنی ایس این جی پی ایل سے اپنے بقایاجات کی واپسی یقینی بنائے۔