Live Updates

خیبرپختونخواہ میں عوام بے سہارا، حکومت غائب ہے‘عظمیٰ بخاری

وزیر اعلیٰ مریم نواز اور ٹیم دن رات سیلاب متاثرین کی خدمت میں مصروف ہیں آبادکاری بڑا چیلنج، سروے مکمل ہوتے ہی مریم نواز ریلیف پیکج کا اعلان کریں گی‘ وزیر اطلاعات

پیر 15 ستمبر 2025 15:47

خیبرپختونخواہ میں عوام بے سہارا، حکومت غائب ہے‘عظمیٰ بخاری

لاہور(اُردو پوائنٹ اخبارتازہ ترین - این این آئی۔ 15 ستمبر2025ء)وزیر اطلاعات و ثقافت پنجاب عظمیٰ بخاری نے کہا ہے کہ پنجاب نے ملکی تاریخ کے سب سے بڑے سیلاب کا سامنا کیا، لیکن پنجاب حکومت کے بروقت اور ہنگامی اقدامات کے نتیجے میں لاکھوں قیمتی جانوں کو محفوظ بنایا گیا۔ انہوں نے کہا کہ پنجاب حکومت نے ملکی تاریخ کا سب سے بڑا ریسکیو آپریشن کیا ہے اور سیلاب متاثرین کی بحالی کے لیے اپنے تمام وسائل بروئے کار لا رہی ہے۔

عظمیٰ بخاری نے کہا کہ سیلاب متاثرین کی آبادکاری ایک بڑا چیلنج ہے، جس کے لیے جامع منصوبہ بندی اور مسلسل اقدامات جاری ہیں۔

(جاری ہے)

سیلاب کے نقصانات کا تخمینہ لگایا جا رہا ہے تاکہ متاثرین کی بحالی اور مستقبل کے لیے بہتر حکمت عملی وضع کی جا سکے۔انہوں نے تنقید کرنے والوں کو جواب دیتے ہوئے کہا کہ پنجاب حکومت پر انگلیاں وہ لوگ اٹھا رہے ہیں جن کے اپنے صوبے میں بارشوں اور سیلاب کے نتیجے میں سینکڑوں افراد جان سے گئے۔

کے پی میں نہ صوبائی حکومت عوام کے مسائل حل کر پا رہی ہے اور نہ ہی اپنی رٹ قائم رکھ سکی ہے۔وزیر اطلاعات پنجاب نے واضح کیا کہ وزیر اعلیٰ مریم نواز کی قیادت میں پنجاب حکومت سیلاب متاثرین کی مدد اور بحالی کے لیے ہر ممکن اقدامات کر رہی ہے، اور عوام کے ساتھ کھڑی ہے۔