سپینش لالیگا میں بارسلونا نے ویلنسیا کو 0-6 سے ہرا دیا

منگل 16 ستمبر 2025 12:39

میڈرڈ(اُردو پوائنٹ اخبارتازہ ترین - این این آئی۔ 16 ستمبر2025ء) دفاعی چیمپئن بارسلونا نے ہسپانوی فٹ بال لیگ لالیگا کے ایک میچ میں شاندار کارکردگی کا مظاہرہ کرتے ہوئے ویلنسیا کی ٹیم کو یکطرفہ مقابلے کے بعد 0-6 گول سے ہرا دیا۔ بارسلونا کے فرمین لوپیز، رافینہا اور رابرٹ لیوینڈوسکی نے دو، دو گول سکور کر کے اپنی ٹیم کی فتح میں اہم کردار ادا کیا۔

یہ بارسلونا کی لیگ میں تیسری فتح ہے۔ اس کامیابی کے بعددفاعی چیمپئن بارسلونا کی ٹیم کی ہسپانوی فٹ بال لیگ لالیگاکے پوائنٹس ٹیبل پر دوسری پوزیشن پر موجود ہے۔

(جاری ہے)

سپینش لیگ لالیگا کے دلچسپ مقابلوں کا سلسلہ سپین میں جاری ہے۔ جوہان کروف سٹیڈیم،بارسلونا، سپین میں کھیلے گئے میچ میں بارسلونا کی ٹیم نے انتہائی شاندار کھیل پیش کرتے ہوئے ویلنسیا کی ٹیم کو با آسانی 0-6گول سے ہرا دیا۔

دفاعی چیمپئن بارسلونا کی جانب سے فرمین لوپیز، رافینہا اور رابرٹ لیوینڈوسکی نے دو، دو گول کر کے اپنی ٹیم کی فتح میں کلیدی کردار ادا کیا۔میچ میں ویلنسیا کی ٹیم کوئی گول سکور نہ کر سکی۔ بارسلونا کی لیگ میں یہ تیسری فتح ہے اور وہ لیگ میں 10پوائنٹس کے بعد ٹیبل پر دوسری پوزیشن پر موجود ہے۔ریال میڈرڈ کی ٹیم کی12 پوائنٹس ہیں اور وہ ٹاپ پوزیشن پر موجود ہے۔