پنجاب بھرمیں 1435 ٹریفک حادثات میں 14افراد جاں بحق1630،زخمی ہوئے، ایمرجنسی سروسز ڈیپارٹمنٹ

منگل 16 ستمبر 2025 19:08

لاہور (اُردو پوائنٹ اخبارتازہ ترین - اے پی پی۔ 16 ستمبر2025ء) ایمرجنسی سروسزڈیپارٹمنٹ نے گز شتہ 24گھنٹوں کے دوران پنجاب بھر میں 1435ٹریفک حادثات پر ریسپانڈ کیا جن میں 722افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔ترجمان کے مطابق 908معمولی زخمیوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی۔

ان حادثات میں زیادہ تر تعداد (75فیصد)موٹر سائیکل حادثات کی ہے۔

(جاری ہے)

ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 949ڈرائیوز،59کم عمرڈرائیور،532مسافراور163پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ255ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت297متاثرین کے ساتھ پہلے ، فیصل آباد107حادثات میں 113متاثرین کے ساتھ دوسر ے جبکہ ملتان 95حادثات میں 105متاثرین کے سا تھ تیسرے نمبرپررہا۔

واضح رہے کہ ان ٹریفک حادثات کے کل1644متاثرین میں 1333مرد اور311خواتین شامل ہیں۔ان ٹریفک حادثات کے بیشتر واقعات میں 1463موٹرسائیکل،111آٹورکشے،140کاریں،24وین،13مسافر بسیں،37ٹرک اور158دوسری اقسام کی گاڑیاں متاثر ہوئیں۔