ٴلاہور (اُردو پوائنٹ اخبارتازہ ترین - آن لائن۔ 16 ستمبر2025ء) صدر ڈویژن پولیس جواریوں کے خلاف اِن ایکشن، جوہر ٹاؤن پولیس نے کامیاب کارروائی کرتے ہوئے ایشیاء کپ اور غیر ملکی لیگز کے میچز پر آن لائن جواء کروانے والے 4 بکیئے گرفتارکر لیئے۔گرفتار ملزمان میں عبدالحفیظ، غلام مرتضی، علی رضا اور حمزہ نوازشامل ہیں۔ملزمان نے پاک انڈیا ایشیا کپ میچ پر بھی جواء لگایا ہوا تھا۔

ملزمان کے قبضہ سے 4 موبائل فونز اور 40,500 روپے سے زائد رقم برآمدکی گئی۔سٹی ڈویژن پولیس کا منشیات فروشوں کے خلاف کریک ڈاؤن جاری ،لوئر مال پولیس نے خفیہ اطلاع پر کامیاب کاروائی کرتے ہوئے لاکھوں مالیت کی منشیات کی ترسیل ناکام بنا تے ہوئے ملزم کوگرفتارکر لیا۔ ملزم کی شناخت امجد کے نام سے ہوئی۔

(جاری ہے)

ملزم کے قبضہ سے 14 کلو سے زائد افیون برآمد ہوئی۔

اسی طرح بادامی باغ چوکی جوزف کالونی پولیس نے کاروائی کرتے ہوئے تین رکنی موٹر سائیکل چور و سنیچر گینگ گرفتار کر لیا۔گرفتار ملزمان میں شہباز عرف لونا،رمضان عرف چیتا اور عمر شامل ہیں ۔ملزمان کے قبضہ سے 2 موٹر سائیکلیں، 4 موبائل ،10 ہزار روپے نقد ی اور غیر قانونی اسلحہ برآمد کیا گیا۔مزید برآںایس پی سٹی بلال احمدنے اپنے دفتر میں کھلی کچہری کا انعقاد کیا۔

انہوں نے کھلی کچہری کے دوران عوام الناس کے مسائل سنے اور موقع پر حل کے احکامات جاری کیے۔ کینٹ ڈویژن پولیس انسدادِمنشیات کیلئے متحرک،ہربنس پورہ پولیس نے دوران چیکنگ لوہے والا چوک سے بدنام زمانہ منشیات فروش شعیب منشیات سمیت گرفتارکر لیا۔دورانِ تلاشی ملزم کے قبضہ سے 1845 گرام چرس برآمدکی گئی۔ابتدائی تفتیش کے دوران ملزم نے نہر کنارے نو جوان نسل کو منشیات بیچنے کا اعتراف کیا۔

ملزم کے خلاف مقدمہ درج کرکے مزید تفتیش کے لیے انوسٹی گیشن ونگ کے حوالے کیا گیا۔مزید برآں ایس پی کینٹ کیپٹن ریٹائرڈ قاضی علی رضانے اپنے دفتر میں کھلی کچہری کا انعقاد کیا۔ انہوں نے عوام الناس کے مسائل سنے اور موقع پر حل کے احکامات جاری کیے۔ ماڈل ٹائون ڈویژن کی منشیات فروشوں کے خلاف کارروائیاں جاری،چوکی لکھوکی کاہنہ پولیس نے ریکارڈ یافتہ منشیات فروش گرفتار کر لیا ۔

ملزم کو خفیہ اطلاع پر بلیانوالہ کھوہ سے حراست میں لیا گیا ۔منشیات فروش کے قبضہ سے 1 کلو 360 گرام چرس برآمدکی گئی ۔ملزم کھوہ کے قریب چل پھر کر منشیات فروخت کر رہا تھا ۔ سِول لائنز ڈویژن کا جرائم پیشہ افراد کے خلاف کریک ڈاؤن جاری ، گڑھی شاہو پولیس نے اے کیٹیگری کے جرائم میں ملوث مفرور لسٹڈ اشتہاری گرفتارکر لیئے۔ملزمان کو انٹیلی جنس بیسڈ کاروائی کر کے گرفتار کیا گیا۔

گرفتارملزمان کی شناخت بلال اور وسیم کے نام سے ہوئی۔ملزمان پر مجموعی طور پر20 سے زائد سنگین مقدمات درج ہیں۔اقبال ٹائون پولیس کی اوباش افراد کے خلاف بلاامتیاز کارروائیاں جاری، شیراکوٹ پولیس نے بیٹی سے زیادتی کرنے والے سوتیلے باپ کو گرفتارکر لیا۔عاصمہ نامی خاتون نے ملزم عبداللہ کے ساتھ دوسری شادی کی اور کریم سٹریٹ سوڈیوال میں رہائش پذیر تھی۔

عاصمہ کی بڑی بیٹی پہلے خاوند سے ہے جس کے ساتھ سوتیلا باپ عبداللہ جنسی زیادتی کرتا تھا۔ملزم عبداللہ سوتیلی بیٹی کو ڈراتادھمکاتاتھا۔ملزم عبداللہ کے خلاف بیوی کی مدعیت میں فوری مقدمہ درج کر لیا گیا۔علاوہ ازیںایس پی اقبال ٹاؤن ڈاکٹر محمد عمر کا روزانہ کی بنیاد پر اپنے آفس میں کھلی کچہری کا انعقاد کیا۔ انہوں نے عوام الناس کے مسائل سنے اور موقع پر حل کے احکامات جاری کیے۔

ڈولفن سکواڈ کا فنانشل کرائم کے اشتہاریوں کے خلاف کریک ڈاؤن،فنانشل کرائم کے مقدمات میں مطلوب 08 اشتہاریوں کو شہر کے مختلف جگہوں سے گرفتارکر لیا۔ملزمان لاہور کے مختلف تھانوں کی پولیس کو مطلوب تھے۔ملزمان نے شہریوں سے لین دین، نوسر بازی و فراڈ کی نیت سے بوگس چیک دیے تھے۔ملزمان کو اانٹیلی جنس بیسڈ کارروائی و ای پولیس ایپ کی مدد سے گرفتار کیا گیا۔ملزمان کیخلاف تھانہ چوہنگ، مغلپورہ، کاہنہ، ساندہ و دیگر تھانوں میں مقدمات درج ہیں۔ملزمان کو تمام متعلقہ تھانوں کے حوالے کر دیا گیا۔