oچیئرمین پی ٹی اے کی برطرفی کے خلاف انٹرا کورٹ اپیل دائر

ّاسلام آباد ہائیکورٹ کے فیصلے کو چیلنج، چیئرمین پی ٹی اے نے فوری سماعت کی استدعا کر دی

منگل 16 ستمبر 2025 20:05

ٴْاسلام آباد (اُردو پوائنٹ اخبارتازہ ترین - آن لائن۔ 16 ستمبر2025ء) پاکستان ٹیلی کمیونی کیشن اتھارٹی (پی ٹی ای) کے چیئرمین میجر جنرل (ر) حفیظ الرحمٰن نے اسلام آباد ہائیکورٹ کے فیصلے کے خلاف انٹرا کورٹ اپیل دائر کر دی ہے۔تفصیلات کے مطابق چیئرمین پی ٹی اے نے اپنی برطرفی کے فیصلے کو چیلنج کرتے ہوئے اپیلآرڈیننس 1972ئکے تحت دائر کی۔

(جاری ہے)

درخواست میں مؤقف اختیار کیا گیا ہے کہ ان کی تقرری قوانین اور ضوابط کے مطابق عمل میں لائی گئی، لہٰذا اسلام آباد ہائیکورٹ کا فیصلہ کالعدم قرار دیا جائے۔

یاد رہے کہ میجر جنرل (ر) حفیظ الرحمٰن کو 24 مئی 2023 کو پی ٹی اے میں بطور ممبر (انتظامیہ) تعینات کیا گیا تھا اور اگلے ہی روز 25 مئی 2023 کو انہیں چیئرمین پی ٹی اے بنا دیا گیا تھا۔اسلام آباد ہائیکورٹ کے جج جسٹس بابر ستار نے آج محفوظ فیصلہ سناتے ہوئے چیئرمین پی ٹی اے کو عہدے سے ہٹانے کا حکم دیا تھا۔ اپیل کنندہ نے عدالت سے استدعا کی ہے کہ کیس کو فوری سماعت کے لیے مقرر کیا جائے تاکہ ان کی تعیناتی کا قانونی جواز ثابت ہو سکے۔