ٹاپ سیڈڈ نیل الیگزینڈر رابرٹسن کا انگلش اوپن سنوکر ٹورنامنٹ میں فاتحانہ آغاز

بدھ 17 ستمبر 2025 08:40

لندن (اُردو پوائنٹ اخبارتازہ ترین - اے پی پی۔ 17 ستمبر2025ء) آسٹریلیا کے نامور کیوئسٹ ، ٹورنامنٹ کے ٹاپ سیڈڈ اور دفاعی چیمپئن نیل الیگزینڈر رابرٹسن انگلش اوپن سنوکر ٹورنامنٹ کا فاتحانہ انداز میں آغاز کرتے ہوئے اگلے رائونڈ میں پہنچ گئے ۔43 سالہ آسٹریلوی دفاعی چیمپئن نیل الیگزینڈر رابرٹسن نے مردوں کے مقابلوں کے ابتدائی رائونڈ میں تھائی لینڈ کے حریف کیوئسٹ اکانی سونگسرمسواد کو ہرا کر ٹاپ 32 رائونڈ کے لئے کوالیفائی کیا۔

ورلڈ سنوکر ٹور(ڈبلیو ایس ٹی) کے زیر اہتمام انگلش اوپن سنوکر ٹورنامنٹ کے دلچسپ مقابلوں کا سلسلہ انگلینڈ کے برینٹ ووڈ سنوکر سینٹر میں جاری ہے۔ ٹورنامنٹ کے ابتدائی رائونڈ میں آسٹریلیا کے نامور کیوئسٹ ، ٹورنامنٹ کے ٹاپ سیڈڈ اور دفاعی چیمپئن نیل الیگزینڈر رابرٹسن نے شاندار کارکردگی کا مظاہرہ کرتے ہوئے 30 سالہ تھائی لینڈ کے حریف کیوئسٹ اکانی سونگسرمسواد کو 1 کے مقابلے میں 4 فریم سے شکست دے کر نہ صرف حریف کیوئسٹ اکانی سونگسرمسواد کو ایونٹ سے باہر کر دیا بلکہ ٹاپ 32 رائونڈ کے لئے بھی کوالیفائی کرلیا۔

(جاری ہے)

آسٹریلیا کے نامور کیوئسٹ ، ٹورنامنٹ کے ٹاپ سیڈڈ اور دفاعی چیمپئن نیل الیگزینڈر رابرٹسن کا ٹاپ 32 رائونڈ میں مقابلہ 24 سالہ ویلزکے حریف کیوئسٹ جیکسن پیج سے ہوگا۔ \932