ولی عہد شہزادہ محمد بن سلمان سے ایرانی سکیورٹی کونسل کے سیکرٹری جنرل کی ملاقات، تعلقات اور علاقائی صورتحال بارے تبادلہ خیال

بدھ 17 ستمبر 2025 08:50

ریاض (اُردو پوائنٹ اخبارتازہ ترین - اے پی پی۔ 17 ستمبر2025ء) ولی عہد شہزادہ محمد بن سلمان بن عبدالعزیز آل سعود سے ریاض کے قصر الیمامہ میں ایران کی سپریم نیشنل سکیورٹی کونسل کے سیکرٹری جنرل سید علی لاریجانی نے اپنے وفد کے ہمراہ ملاقات کی۔

(جاری ہے)

سعودی نیورز ایجنسی ’ایس پی اے‘ کے مطابق اس موقع پر دونوں ممالک کے مابین تعلقات اور علاقائی تازہ ترین صورتحال اور ان میں ہونے والی پیش رفت کے حوالے سے بھی بات چیت کی گئی۔ملاقات کے موقع پر سعودی وزیر دفاع شہزادہ خالد بن سلمان بن عبدالعزیز ، وزیر مملکت اور رکن کابینہ و قومی سلامتی کے مشیر ڈاکٹر مساعد بن محمد العیبان کے علاوہ انٹیلی جنس کے سربراہ خالد بن علی الحمیدان بھی موجود تھے۔